បាល់ទាត់អន្តរជាតិ
Richarlison អាចនឹងចាកចេញទៅអារ៉ាប៊ីសាអូឌីត នៅរដូវក្ដៅនេះ!!!
![](https://x-sportkh.com/wp-content/uploads/2024/05/article-003752-1.jpg)
យោងតាមកាសែត Daily Mail បានឲ្យដឹងថា ក្លឹប Al Hilal របស់ Saudi Pro League បានផ្ញើសំណើរផ្ទេរមួយទៅកាន់ក្លឹបមាន់ខ្នាយមាស Tottenham Hotspur ទាក់ទងនឹងការចង់ទិញយកខ្សែប្រយុទ្ធ Richarlison។ តាមការមើលឃើញជាក់ស្ដែង Richarlison មិនមែនជាកីឡាករសំខាន់ឡើយសម្រាប់ក្លឹបរបស់ខ្លួននៅពេលនេះ។
យ៉ាងណាមិញ Tottenham Hotspur មិនទាន់បានទទួលសំណើរជាផ្លូវការណ៍ពាក់ព័ន្ធនឹងកីឡាករសញ្ជាតិប្រេស៊ីលវ័យ 27 ឆ្នាំរូបនេះទេ ប៉ុន្តែពួកគេធ្លាប់បានគិតគូរចង់លក់គេតាំងពីប៉ុន្មានខែមុនមកម្ល៉េះ។ គេក៏បានដឹងផងដែរថា លោក Ange Postecoglou ដែលជាគ្រូបង្វឹករបស់ Tottenham Hotspur មានគោលបំណងចង់ចុះហត្ថលេខាលើខ្សែប្រយុទ្ធចំណូលថ្មីដើម្បីមកជំនួសកន្លែងរបស់ Richarlison។
ក្នុងរដូវកាល 2023/2024 នេះ Richarlison បានបង្ហាញខ្លួន 28 ប្រកួតនៅ Premier League ដោយស៊ុតបញ្ចូលទីបាន 11 គ្រាប់ និងបញ្ជូនបាល់ឲ្យមិត្តរួមក្រុមចំនួន 4 ដង។ កុងត្រាបច្ចុប្បន្នរបស់ Richarlison ជាមួយ Tottenham Hotspur នឹងផុតកំណត់នៅចុងខែមិថុនា ឆ្នាំ 2027 ហើយតម្លៃខ្លួនរបស់គាត់នៅពេលនេះ គឺប្រហែលជា 40 លានអឺរ៉ូ។
ប្រភព: Telecomasia
-
បាល់ទាត់អន្តរជាតិ4 days ago
រឿងរ៉ាវប្លែកៗ និងគួរឲ្យចាប់អារម្មណ៍មួយចំនួនដែលអ្នកមិនធ្លាប់ដឹងពី Jack Grealish
-
បាល់ទាត់អន្តរជាតិ4 days ago
ក្លឹបជាច្រើនកំពុងតម្រង់ជួរគ្នាដើម្បីរងចាំការដេញថ្លៃលើ Xavi Simons
-
បាល់ទាត់អន្តរជាតិ4 days ago
Rabiot នឹងលេងក្នុងតំណែងរបស់ Mbappe ប្រសិនបើខ្សែប្រយុទ្ធរូបនេះមិនទាន់អាចចូលលេងបាន