បាល់ទាត់អន្តរជាតិ
ផ្លូវការណ៍៖ Raphael Varane ប្រកាសចាកចេញពីបិសាចក្រហម នៅចុងបញ្ចប់នៃរដូវកាលនេះ!!!
![](https://x-sportkh.com/wp-content/uploads/2024/05/article-003761-1.jpg)
ខ្សែការពារ Raphael Varane បានប្រកាសថា គាត់នឹងចាកចេញពីក្លឹបបិសាចក្រហម Manchester United នៅចុងបញ្ចប់នៃរដូវកាលនេះ នៅពេលដែលកុងត្រារបស់គាត់ផុតកំណត់។ អតីតកីឡាកររបស់ Real Madrid រូបនេះ អាចត្រូវបានគេចាត់ទុកជាកីឡាករល្អបំផុតមួយរូបទៅហើយក្នុងពិភពបាល់ទាត់ បន្ទាប់ពីគាត់បានឈ្នះពានសព្វគ្រប់បែបយ៉ាងក្នុងអាជីពរបស់ខ្លួន។
មុនពេលចូលរួមជាមួយបិសាចក្រហមក្នុងឆ្នាំ 2021 ខ្សែការពារ Raphael Varane បានឈ្នះ UEFA Champions League ចំនួន 4 ដង និងពាន La Liga 3 ដង ជាមួយ Real Madrid។ បន្ថែមពីលើនេះទៀត គាត់ក៏បានឈ្នះ World Cup កាលពីឆ្នាំ 2018 ជាមួយក្រុមជម្រើសជាតិបារាំងផងដែរ។
បិសាចក្រហម បានចំណាយប្រាក់ 40 លានអឺរ៉ូ (34.4 លានផោន) ដើម្បីនាំយក Varane ទៅកាន់ទឹកដី Old Trafford កាលពី 3 ឆ្នាំមុន។ គិតចាប់តាំងពីពេលនោះមក គាត់បានបង្ហាញខ្លួនសរុប 93 ប្រកួត និងស៊ុតបញ្ចូលទីបាន 2 គ្រាប់។
ទោះជាយ៉ាងណាក៏ដោយ ពេលវេលារបស់គាត់ជាមួយក្លឹបបិសាចក្រហមបានដល់ទីបញ្ចប់ហើយ។ Raphael Varane បាននិយាយនៅក្នុងវីដេអូមួយដើម្បីលាអ្នកគាំទ្រថា៖ “ជូនចំពោះអ្នកទាំងអស់គ្នា អ្នកគាំទ្ររបស់ Manchester United! វាជារឿងដ៏អស្ចារ្យមួយ 2, 3 ឆ្នាំ ក្នុងការលេងឲ្យក្លឹបដ៏អស្ចារ្យមួយនេះ…។ ខ្ញុំនឹងជួបអ្នកនៅ Old Trafford ដើម្បីជាការលា ក្នុងការប្រកួតចុងក្រោយនៅក្នុងដីរបស់យើង រដូវកាលនេះ ហើយវានឹងក្លាយជាថ្ងៃដ៏រំជួលចិត្តសម្រាប់ខ្ញុំបំផុត”។
ប្រភព: Sportsmole
-
បាល់ទាត់អន្តរជាតិ5 days ago
អ៊ីតាលី ឡើងទៅកាន់វគ្គ 16 ក្រុមចុងក្រោយ Euro 2024 ខណៈដែលក្រូអាត ត្រូវវិលត្រឡប់ទៅផ្ទះវិញ
-
បាល់ទាត់អន្តរជាតិ4 days ago
ខ្សែការពារអាឡឺម៉ង់ ដែលធ្លាប់ឈ្នះពាន World Cup កាលពីឆ្នាំ 2014 ប្រកាសចូលនិវត្តន៍ពីបាល់ទាត់
-
បាល់ទាត់អន្តរជាតិ5 days ago
Real Madrid ជិតឈានដល់កិច្ចព្រមព្រៀងចុះហត្ថលេខាលើខ្សែបម្រើជំនាញជើងឆ្វេងមួយរូបរបស់អាហ្សង់ទីន