បាល់ទាត់អន្តរជាតិ
តោខៀវត្រៀមនាំយក Nico Elvedi ដើម្បីមកជំនួសកន្លែងរបស់ Reece James
ក្លឹបតោខៀវ Chelsea ត្រូវបានគេរាយការណ៍ថា បានកំណត់គោលដៅរបស់ខ្លួនលើខ្សែការពាររបស់ក្លឹប Borussia Monchengladbach គឺកីឡាករ Nico Elvedi ដែលជាការចុះហត្ថលេខានៅក្នុងទីផ្សារដោះដូរកីឡាករនាខែមករាដើមឆ្នាំក្រោយ។
ថ្មីៗនេះតោខៀវបានបញ្ជាក់ឲ្យដឹងថា Reece James បានរងរបួសសរសៃពួរ អំឡុងពេលប្រកួតចាញ់ Everton 2-0 កាលពីចុងសប្តាហ៍មុន។ ថ្វីត្បិតតែតោខៀវ Chelsea មិនបានបង្ហាញជាសាធារណៈអំពីរយៈពេលនៃរបួសរបស់ខ្សែការពារសញ្ជាតិអង់គ្លេសរូបនេះក៏ដោយ តែគេបានប៉ាន់ស្មានថា គាត់អាចនឹងអវត្តមានរហូតដល់ខែកុម្ភៈ ឆ្នាំ 2024។
ដើម្បីឆ្លើយតបនឹងបញ្ហានេះ គ្រូបង្វឹករបស់ក្លឹបលោក Mauricio Pochettino កំពុងស្វែងរកបេក្ខភាពខ្សែការពារចំណូលថ្មីម្នាក់នៅខែមករាខាងមុននេះ។ យោងតាមរបាយការណ៍ពី TEAMtalk បានឲ្យដឹងថា Nico Elvedi គឺជាខ្សែការពារដែលស្ថិតក្នុងបញ្ជីនៃការចង់បានរបស់ Cheslea ខណៈដែលកីឡាករវ័យ 27 ឆ្នាំរូបនេះក៏កំពុងមានបំណងចង់មកប្រឡូកក្នុងបាល់ទាត់នៅអង់គ្លេសផងដែរ។
ប្រភព: Sportsmole
-
បាល់ទាត់អន្តរជាតិ2 days ago
Al-Hilal គ្រងតំណែងក្លាយជាម្ចាស់ពានជើងឯកលីគអារ៉ាប៊ីសាអូឌីតប្រចាំឆ្នាំ 2024
-
បាល់ទាត់អន្តរជាតិ1 day ago
Richarlison អាចនឹងចាកចេញទៅអារ៉ាប៊ីសាអូឌីត នៅរដូវក្ដៅនេះ!!!
-
បាល់ទាត់អន្តរជាតិ22 hours ago
Pep Guardiola ថា៖ ជម្រើសនៅពេលនេះមានតែមួយគត់ គឺត្រូវឈ្នះ Tottenham Hotspur