បាល់ទាត់អន្តរជាតិ
Nicolas Jackson លើកឡើងថា អ្នកណាដែលរិះគន់គាត់ គឺជាមនុស្សមិនយល់ពីបាល់ទាត់
ខ្សែប្រយុទ្ធ Nicolas Jackson របស់ក្លឹបតោខៀវ Chelsea បានលើកឡើងថា អ្នកណាដែលរិះគន់លើគាត់ គឺជាមនុស្សដែលមិនយល់ដឹងពីបាល់ទាត់។ យ៉ាងណាមិញ ខ្សែប្រយុទ្ធសញ្ជាតិសេណេហ្គាល់រូបនេះ គឺជាកីឡាករចំណូលថ្មីរបស់ក្លឹបតោខៀវ Chelsea ដែលគាត់ទើបនឹងផ្ទេរមកលេងនៅអង់គ្លេសក្នុងរដូវកាលនេះប៉ុណ្ណោះ។
ក្នុងអំឡុងទីផ្សារដោះដូរកីឡាករនារដូវក្តៅកន្លងទៅ ក្លឹបតោខៀវបានចំណាយប្រាក់ 32 លានផោន ដើម្បីចុះហត្ថលេខាលើ Nicolas Jackson ពីក្លឹបអេស្ប៉ាញ Villarreal។ ទោះបីជាពេលខ្លះ Jackson លេងមិនសូវបានល្អក៏ដោយ តែគាត់ត្រូវបានគេចាត់ទុកថា ជាខ្សែប្រយុទ្ធកណ្ដាលដ៏សំខាន់ម្នាក់របស់ Chelsea។
កាលពីប៉ុន្មានសប្ដាហ៍មុន កីឡាករវ័យ 22 ឆ្នាំរូបនេះ ក៏បានស៊ុតបញ្ចូលទី Hat-trick ពេលលេងទល់នឹងក្លឹបមាន់ខ្នាយមាស Tottenham Hotspur ផងដែរ។ ក្រៅពីទម្រង់លេងល្អរបស់គាត់ Jackson គឺជាខ្សែប្រយុទ្ធដែលបានទទួលកាតលឿងចំនួន 7 ដងមកហើយ ក្នុងការបង្ហាញខ្លួន 16 ប្រកួត ហើយកាលពីពេលថ្មីៗនេះ គាត់ស្ទើរតែត្រូវបាន FA ដាក់ពិន័យផងដែរ ចំពោះការចាប់ច្របាច់កខ្សែការពារ Nathan Patterson របស់ក្លឹប Everton ក្នុងការប្រកួតកាលពីដើមសប្តាហ៍កន្លងទៅ។
មជ្ឈដ្ឋានបាល់ទាត់ និងអ្នកគាំទ្រមួយចំនួនបានរិះគន់ចំពោះអាកប្បកិរិយារបស់ Nicolas Jackson ប៉ុន្តែផ្ទុយមកវិញខ្សែប្រយុទ្ធរូបនេះបាននិយាយថា គាត់មិនស្តាប់យោបល់របស់នរណាទាំងអស់ ក្រៅពីក្លឹប Chelsea របស់គាត់។ Jackson បាននិយាយថា៖ “ខ្ញុំមិនខ្វល់ពីអ្វីដែលមនុស្សនិយាយទេ។ វាគ្រាន់តែជាការនិយាយពីមនុស្សដែលមិនយល់ដឹងអំពីបាល់ទាត់ប៉ុណ្ណោះ។ ខ្ញុំនឹងបន្តការខិតខំប្រឹងប្រែងលេងបន្ថែមទៀត និងរកគ្រាប់បាល់បន្ថែមសម្រាប់ក្រុមរបស់ខ្ញុំ”។
ប្រភព: Sportsmole
-
បាល់ទាត់អន្តរជាតិ1 day ago
អតីតកីឡាករមួយរូបរបស់ Barcelona បន្លំឲ្យប្អូនភ្លោះរបស់ខ្លួនចូលលេងជំនួស ដើម្បីជួយក្រុម!!!
-
បាល់ទាត់អន្តរជាតិ21 hours ago
Man City កំពុងស្វែងរកឱកាសលក់ខ្សែប្រយុទ្ធស្លាប Jack Grealish
-
បាល់ទាត់អន្តរជាតិ2 days ago
Richarlison អាចនឹងចាកចេញទៅអារ៉ាប៊ីសាអូឌីត នៅរដូវក្ដៅនេះ!!!