បាល់ទាត់អន្តរជាតិ
Luka Modric នឹងចាកចេញពី Real Madrid នៅចុងបញ្ចប់នៃរដូវកាលនេះ
ខ្សែបម្រើសញ្ជាតិក្រូអាត Luka Modric របស់ Real Madrid នឹងចាកចេញពីក្លឹបបច្ចុប្បន្នរបស់ខ្លួននៅចុងបញ្ចប់នៃរដូវកាលឆ្នាំ 2023/2024 (នេះបើយោងតាមការចុះផ្សាយរបស់ Sport)។ គេបានដឹងថា ប្រធានក្លឹប Real Madrid សម្រេចចិត្តមិនផ្ដល់កុងត្រាថែម 1 ឆ្នាំទៀតដល់ខ្សែបម្រើវ័យ 38 ឆ្នាំរូបនេះឡើយ។
កីឡាករចាស់វស្សារូបនេះនឹងចាកចេញពីទឹកដីអេស្ប៉ាញក្នុងនាមជាកីឡាករដែលគ្មានតម្លៃខ្លួននៅពេលចប់រដូវកាល។ ភ្នាក់ងារ និងជាអ្នកតំណាងរបស់ Luka Modric ពេលនេះកំពុងទាក់ទងទៅកាន់ក្លឹបផ្សេងៗទៀតសម្រាប់គាត់។ អ្នកតំណាងរបស់គាត់បានបង្ហាញពីលទ្ធភាពដែល Modric អាចនឹងផ្ទេរទៅទឹកដីអារ៉ាប៊ីសាអូឌីតផងដែរ។
រដូវកាលនេះ Modric បានលេង 18 ប្រកួតឲ្យ Real Madrid និងបានក្លាយជាកីឡាករដែលលេងក្នុងការប្រកួត El Clasico វ័យចំណាស់ជាងគេបំផុតក្នុងប្រវត្តិសាស្ត្រផងដែរ។ កីឡាករឆ្នើមរូបនេះ ក៏ត្រូវបានគេរាយការណ៍ផងដែរថា Messi និង Beckham ចង់បញ្ចុះបញ្ចូលគាត់ឲ្យផ្លាស់ទៅ Inter Miami។
ប្រភព: Telecomasia