បាល់ទាត់អន្តរជាតិ
Roma ចង់បញ្ចប់លក្ខខណ្ឌខ្ចីជើង Renato Sanches មុនកំណត់
ក្លឹប AS Roma ត្រូវបានគេរាយការណ៍ថា កំពុងពិចារណាត្រៀមបញ្ចប់លក្ខខណ្ឌខ្ចីជើងរបស់ខ្សែបម្រើ Renato Sanches មុនកំណត់ និងបញ្ជូនគេឲ្យត្រឡប់ទៅក្លឹបចាស់ Paris Saint-Germain វិញ។ កីឡាករសញ្ជាតិព័រទុយហ្គាល់រូបនេះ មានឱកាសចូលលេងតិចតួចបំផុត គិតចាប់តាំងពីដើមរដូវកាលដែលគាត់ផ្ទេរមកទឹកដីអ៊ីតាលី។
ខ្សែបម្រើ Renato Sanches បានចូលលេងសរុបត្រឹមតែ 116 នាទីប៉ុណ្ណោះ ក្នុងក្របខណ្ឌកំពូល Serie A ស្របពេលដែលបច្ចុប្បន្នគាត់ក៏មានរបួសកជើងផងដែរ។ យោងតាមអ្នកជំនាញលោក Fabrizio Romano បានឲ្យដឹងថា AS Roma ចង់ឲ្យ Sanches ស្វែងរកដំណោះស្រាយណាមួយដែលល្អប្រសើរមុនដំណាច់ខែនេះ។
ទន្ទឹមនឹងនេះដែរ PSG មិនមានមានបំណងក្នុងការនាំយក Sanches ត្រឡប់ទៅ Parc des Princes វិញទេ ហើយមូលហេតុជាពិសេសនោះគឺដោយសារតែប្រាក់ឈ្នួលរបស់គាត់ខ្ពស់ និងមិនមានផលចំណេញសម្រាប់ក្រុម។ AS Roma ត្រូវបានគេដឹងថា មានជម្រើសក្នុងការទិញផ្ដាច់កុងត្រារបស់ Sanches នៅចុងឆ្នាំ 2023-2024 ប៉ុន្តែរឿងនោះប្រហែលជាមិនអាចកើតឡើងទេ ហើយមិនតែប៉ុណ្ណោះ AS Roma ចង់បញ្ចប់លក្ខខណ្ឌខ្ចីជើងរបស់ Sanches មុនកំណត់ គឺដោយសារតែពួកគេចង់ខ្ចីជើងខ្សែការពារ Caglar Soyuncu របស់ Atletico Madrid។
ប្រភព: Sportsmole
-
បាល់ទាត់អន្តរជាតិ3 days ago
Al-Hilal គ្រងតំណែងក្លាយជាម្ចាស់ពានជើងឯកលីគអារ៉ាប៊ីសាអូឌីតប្រចាំឆ្នាំ 2024
-
បាល់ទាត់អន្តរជាតិ2 days ago
Richarlison អាចនឹងចាកចេញទៅអារ៉ាប៊ីសាអូឌីត នៅរដូវក្ដៅនេះ!!!
-
បាល់ទាត់អន្តរជាតិ20 hours ago
អតីតកីឡាករមួយរូបរបស់ Barcelona បន្លំឲ្យប្អូនភ្លោះរបស់ខ្លួនចូលលេងជំនួស ដើម្បីជួយក្រុម!!!