បាល់ទាត់អន្តរជាតិ
Chelsea ចង់ចរចាចុះហត្ថលេខាផ្ទេរយកខ្សែការពារស្លាប Luke Shaw របស់ក្លឹបបិសាចក្រហម
ក្លឹបតោខៀវ Chelsea ត្រូវបានគេរាយការណ៍ថា បានចាប់អារម្មណ៍ក្នុងការចុះហត្ថលេខាលើខ្សែការពារ Luke Shaw របស់ក្លឹបបិសាចក្រហម Manchester United។ ទោះបីជាការចំណាយលើសពី 1 ពាន់លានផោន នៅក្នុងទីផ្សារដោះដូរកីឡាករ 3 លើកចុងក្រោយក៏ដោយ Chelsea នៅតែត្រូវបានគេលើកឡើងថា កំពុងព្យាយាមនាំយកកីឡាករចំណូលថ្មីបន្ថែមទៀត។
គ្រូបង្វឹករបស់ពួកគេគឺលោក Mauricio Pochettino ត្រូវបានគេនិយាយថា ចាប់អារម្មណ៍ក្នុងការទិញយកខ្សែការពារ, ខ្សែបម្រើកណ្តាល និងខ្សែប្រយុទ្ធម្នាក់ នៅក្នុងអំឡុងខែមករានេះ។ ទោះជាយ៉ាងណាក៏ដោយ ពួកគេនៅតែត្រូវប្រុងប្រយ័ត្នចំពោះការបំពានច្បាប់ FFP ដែលពាក់ព័ន្ធចំណូល ចំណាយរបស់ក្លឹប។
ប៉ុន្តែដោយសារតែ Ian Maatsen ត្រូវបានខ្ចីជើងទៅ Borussia Dortmund ហើយអាចនឹងលក់ផ្ដាច់កុងត្រានៅឆ្នាំបន្ទាប់ ដូច្នេះ Chelsea នៅមានចន្លោះអាចធ្វើការចុះហត្ថលេខាលើខ្សែការពារឆ្វេងថ្មីម្នាក់បាន។ បច្ចុប្បន្ន Levi Colwill គឺជាអ្នកដែលកាន់កាប់នៅតំណែងជាខ្សែការពារឆ្វេង ហើយ Ben Chilwell ត្រូវបានរងផលប៉ះពាល់ដោយបញ្ហារបួសជាប្រចាំ ខណៈដែល Marc Cucurella អាចនឹងត្រូវលក់ចេញនាចុងបញ្ចប់នៃរដូវកាលនេះ។
យោងតាមអ្នកកាសែត Simpn Phillips បានអះអាងថា Luke Shaw ត្រូវបានគេកំណត់ថា ជាជម្រើសដ៏ល្អបំផុតមួយរបស់ Chelsea ខណៈដែលខ្សែការពារសញ្ជាតិអង់គ្លេសរូបនេះ ក៏អាចនឹងសម្រេចចិត្តចាកចេញពី Old Trafford ដែលជាទ្រនំខ្លួនធ្លាប់រួមរស់ជាមួយអស់រយៈពេលជាយូរមកហើយផងដែរ។
ប្រភព: Sportsmole
-
បាល់ទាត់អន្តរជាតិ2 days ago
Alex Baena បង្ហើបថា ខ្លួនមានក្ដីសុបិនដ៏ធំមួយ ដោយចង់លេងឲ្យក្លឹប Barcelona
-
បាល់ទាត់អន្តរជាតិ1 day ago
ខ្លះៗអំពីការប្រកួតរវាង Bayern Munich និង Real Madrid នៅរំលងអាធ្រាតនេះ!!!
-
បាល់ទាត់អន្តរជាតិ14 hours ago
Vinicius Jr ស៊ុត 2 គ្រាប់ម្នាក់ឯង ជួយ Real Madrid ឲ្យស្មើក្នុងដី Bayern Munich (មានវីដេអូ)