បាល់ទាត់អន្តរជាតិ
កូតឌីវ័រ លើកពាន Afcon Cup ក្រោយយកឈ្នះនីហ្សេរីយ៉ា 2-1 នៅវគ្គផ្ដាច់ព្រ័ត (មានវីដេអូ)
ក្រុមជម្រើសជាតិកូតឌីវ័រ បានឈ្នះពាន Afcon Cup ប្រចាំឆ្នាំ 2023 នៅលើទឹកដីខ្លួនឯង ដោយការទទួលជ័យជម្នះ 2-1 លើប្រទេសនីហ្សេរីយ៉ា ក្នុងវគ្គផ្តាច់ព្រ័ត្រកាលពីរំលងអាធ្រាតយប់មិញ។ ដំបូងឡើយ នីហ្សេរីយ៉ា គឺជាអ្នករកបានគ្រាប់បាល់នាំមុខ ដែលជាគ្រាប់បាល់បើកឆាកនៅក្នុងការប្រកួត ដោយតែតបាល់បញ្ចូលទីនៅនាទីទី 38 របស់កាពីតែនក្រុម William Troost-Ekong។
ទោះជាយ៉ាងណាក៏ដោយ ការប៉ុនប៉ងសម្រុកពីកូតឌីវ័រ បានធ្វើឲ្យពួកគេតាមស្មើវិញនៅនាទីទី 62 ដែលជាការតែតបញ្ចូលទីដោយអតីតខ្សែបម្រើឆ្នើមរបស់ក្លឹប Barcelona គឺកីឡាករ Franck Kessie។ បន្តមកទៀតនៅនាទីទី 81 ខ្សែប្រយុទ្ធ Sebastian Haller ក៏បានរកគ្រាប់ជ័យជម្នះថែម 1 គ្រាប់ទៀត រហូតចប់ការប្រកួតដោយលទ្ធផល 2 ទល់នឹង 1។
នីហ្សេរីយ៉ា បានដាក់សម្ពាធយ៉ាងខ្លាំងនៅចុងម៉ោង ប៉ុន្តែកូតឌីវ័រនៅតែការពារមិនឲ្យមានគ្រាប់បាល់កើតឡើងបាន ហើយក៏ក្លាយជាម្ចាស់ជើងឯកប្រចាំឆ្នាំតែម្ដង។ យ៉ាងណាមិញ កូតឌីវ័របានឈ្នះពានរង្វាន់នេះជាលើកទី 3 ហើយ ក្នុងប្រវត្តិសាស្ត្របាល់ទាត់របស់ពួកគេ ដោយពួកគេធ្លាប់បានលើកពាន Afcon Cup ដែលជាពានធំបំផុតប្រចាំតំបន់អាហ្វ្រិកនេះ ក្នុងឆ្នាំ 1992 និង 2015។
ប្រភព: Sportsmole
-
បាល់ទាត់អន្តរជាតិ2 days ago
តើ Real Madrid នឹងប្រើប្រាស់អ្នកចាំទីរូបណា នៅក្នុងការប្រកួតវគ្គផ្ដាច់ព្រ័ត UEFA Champions League?
-
បាល់ទាត់អន្តរជាតិ2 days ago
Pepe នឹងចាកចេញពី Porto មកចូលរួមជាមួយ Barcelona នៅរដូវក្ដៅនេះ!!!
-
បាល់ទាត់អន្តរជាតិ3 days ago
Carlo Ancelotti លើកឡើងថា កូនក្រុមរបស់ខ្លួនរូបនេះ នឹងឈ្នះ Ballon d’Or