បាល់ទាត់អន្តរជាតិ
Ederson នឹងខកខានការប្រកួតសំខាន់ៗ 2 នៅក្នុងខែនេះ ដោយសាររបួស
អ្នកចាំទី Ederson Moraes របស់ក្លឹបមេឃខៀវ Manchester City នឹងខកខានការប្រកួតដ៏សំខាន់ទល់នឹងក្លឹបកាំភ្លើងធំ Arsenal ដែលជាការប្រកួតក្នុងក្របខណ្ឌ Premier League។ កីឡាករសញ្ជាតិប្រេស៊ីលរូបនេះ អវត្តមានពីការប្រកួតដោយសារតែរបួសភ្លៅ ខណៈដែលគាត់ត្រូវសម្រាកព្យាបាលរបួសរយៈពេលប្រហែល 1 ខែ។
កីឡាករវ័យ 30 ឆ្នាំរូបនេះបានរងរបួស ពេលដែលគាត់ធ្វើឲ្យមានកំហុសបាល់ប៉េណាល់ទី អំឡុងពេល Man City ប្រកួតស្មើ 1-1 នៅទឹកដីរបស់ក្លឹបហង្សក្រហម Liverpool កាលពីថ្ងៃអាទិត្យសប្ដាហ៍មុន។ Ederson Moraes បានព្យាយាមរត់ទៅយកជើងរារាំងដំណើររបស់ Darwin Nunez ហើយជាលទ្ធផល គាត់ក៏រងរបួស និងត្រូវបានអាជ្ញាកណ្ដាលពិន័យប៉េណាល់ទីទៀតផង។
បច្ចុប្បន្ន Arsenal គឺជាក្រុមដែលកាន់កាប់តំណែងកំពូលតារាងនៅ Premier League ពីលើក្រុមលេខ 2 Liverpool និងលេខ 3 Man City ប៉ុន្តែពិន្ទុរបស់ក្រុមទាំង 3 នេះមិនដាច់ពីគ្នាប៉ុន្មានឡើយ។ កាំភ្លើងធំ នឹងធ្វើដំណើរទៅជួបម្ចាស់ផ្ទះ Man City នៅថ្ងៃទី 31 ខែមីនាខាងមុខនេះ។ ដូច្នេះហើយ Ederson នឹងខកខានការប្រកួតនោះ រួមទាំងខកខានមិនបានលេងនៅ FA Cup វគ្គ 8 ក្រុមចុងក្រោយ ចុងសប្ដាហ៍នេះទល់នឹង Newcastle ផងដែរ។ Man City នឹងប្រើប្រាស់អ្នកចាំទីដៃទី 2 របស់ពួកគេគឺកីឡាករ Stefan Ortega។
ប្រភព: Thehindu
-
បាល់ទាត់អន្តរជាតិ2 days ago
ជាប់ពិន័យមិនឲ្យលេងបាល់ទាត់ ពេលនេះ Paul Pogba ត្រៀមបង្ហាញខ្លួនក្នុងខ្សែភាពយន្តថ្មីមួយ
-
បាល់ទាត់អន្តរជាតិ1 day ago
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
-
បាល់ទាត់អន្តរជាតិ3 days ago
West Ham United ប្រកាសពីការចែកផ្លូវគ្នាជាមួយ David Moyes នាចុងបញ្ចប់នៃរដូវកាលនេះ