កីឡាករ​កូនកាត់ Jero Chin ត្រូវ​ជា​ប្អូន​ជីដូន​មួយ​របស់ Virgil van Dijk ធ្លាប់​ចង់​លេង​ឲ្យ​ក្រុម​ជម្រើស​ជាតិ​កម្ពុជា

មាន​សំណើរ​ជា​ច្រើន​ពី​អ្នក​គាំទ្រ ដែល​ព្យាយាម​ឲ្យ​សហព័ន្ធ​ពិចារណា​ឡើង​វិញ ពាក់​ព័ន្ធ​ជា​មួយ​នឹង​ការ​កោះ​ហៅ​កីឡាករ​កូន​កាត់​ឲ្យ​ចូល​ក្រុម​ជម្រើស​ជាតិ។ មួយ​ក្នុង​ចំណោម​កីឡាករ​កូនកាត់​ផ្សេង​ទៀត​ដែល​លេង​នៅ​ក្រៅ​ប្រទេស Jero Chin​ ក៏​ជា​កីឡាករ​ម្នាក់​ដែល​អ្នកគាំទ្រ​ចាប់​អារម្មណ៍​ផងដែរ។

Jero Chin គឺ​ជា​កីឡាករ​កូន​កាត់​ខ្មែរ-ហូឡង់ និង​ត្រូវ​ជា​បង​ប្អូន​​​ជីដូន​មួយ​​របស់​​ខ្សែ​ការពារ​ដ៏​ល្បី​របស់​ក្លឹប​ហង្សក្រហម Liverpool គឺ​កីឡាករ​ Virgil van Dijk។

កីឡាករ Jero​ Chin កើត​នៅ​ឆ្នាំ​2009 មាន​ម្ដាយ​ជា​ជនជាតិ​ខ្មែរ​ ឪពុក​ជា​ជនជាតិ​ Suriname ហើយ​សព្វថ្ងៃ​​កំពុង​តែ​រស់នៅ​ប្រទេស​ហូឡង់​។ កាល​ពី​មុន រូប​គេ​បាន​​ហ្វឹកហាត់​ឲ្យ​ក្លឹប​ WDS U11 របស់​ប្រទេស​ហូឡង់។

លើស​ពី​នេះ​ទៅ​ទៀត Jero​ Chin មាន​ការ​សម្បទារដែល​ពេល​ពេញ​វ័យ​អាច​នឹង​ដូច ​Virgil van Dijk ដែរ ហើយ​ក៏​លេង​តំណែង​ជា​​ខ្សែ​ការពារ​ផង។ កាល​ពី​មុន​ធ្លាប់​មាន​អ្នកគាំទ្រ​ជា​ច្រើន​បង្ហើបថា កីឡាករ​រូប​នេះ​ចង់​មក​លេង​ឲ្យ​ក្រុម​ជម្រើស​ជាតិ​កម្ពុជា ប្រសិន​បើ​សហព័ន្ធ​កោះ​ហៅ​រូប​គេ។​

ប្រភព: ហ្វេសប៊ុក