ផ្លូវការណ៍៖ ក្លឹប Bayern Munich ប្រកាស​ពី​ការ​ចុះ​ហត្ថលេខា​លើ​ខ្សែបម្រើ Ryan Gravenberch

នៅ​ប៉ន្មាន​នាទីមុន​នេះ ក្លឹប Bayern Munich បាន​ប្រកាស​ពី​ការ​ចុះហត្ថលេខា​លើ​កីឡាករ Ryan Gravenberch របស់​ក្លឹប AFC Ajax ជា​មួយ​នឹង​តម្លៃ​ផ្ទេរ 25 លានផោន។

Ryan Gravenberch នឹង​មាន​កុងត្រា​ជា​មួយ Bayern Munich រហូត​ដល់​ខែ មិថុនា ឆ្នាំ 2027។ ខ្សែបម្រើ​រូបនេះ​ទើប​តែ​មាន​អាយុ 20 ឆ្នាំ​ប៉ុណ្ណោះ ប៉ុន្តែ​រូបគេ​ធ្លាប់​បាន​បង្ហាញ​ខ្លួន​ចំនួន 10 ប្រកួត​សម្រាប់​ក្រុម​ជម្រើស​ជាតិ​ហូឡង់​ឈុត​ធំ ហើយ​បាន​ក្លាយ​ជា​គោលដៅ​ចង់​បាន​របស់​ក្លឹប​ធំៗ​ជា​ច្រើន​នៅ​តំបន់​អ៊ឺរ៉ុប។

លើស​ពី​នេះ​ទៅ​ទៀត Gravenberch ធ្លាប់​ត្រូវ​បាន​លោក Erik ten Hag ព្យាយាម​បញ្ចុះបញ្ចូល​ឲ្យ​មក​ចូលរួម​ជាមួយ​គាត់​នៅ Old Trafford ផង​ដែរ ប៉ុន្តែ​មិន​បាន​សម្រេច ហើយ​ទី​បំផុតកីឡាករ​រូប​នេះ បាន​យល់​ព្រម​នឹង​ផ្លាស់​ទៅ​កាន់​ទឹកដី Allianz Arena។

ប្រភព: Fabrizio Romano