Villarreal ទម្លាក់ Bayern Munich ត្រឹម​វគ្គ 8 ក្រុម​ចុងក្រោយ​ក្នុង​ក្របខណ្ឌ UEFA Champions League (មានវីដេអូ)

ក្លឹប​យក្ស​មក​ពី​អាឡឺម៉ង់ និង​ជា​អតីត​ម្ចាស់​ពាន UCL កាល​ពី​ឆ្នាំ 2020 ដែល​គ្រប់​គ្នា​គិត​ថា អាច​នឹង​លើង​ទៅ​វគ្គ 4 ក្រុម​ចុង​ក្រោយ​បាន​យ៉ាង​ងាយ​ស្រួល​នោះ បាន​ធ្លាក់​ក្រោម​ថ្វី​ជើង​របស់​ក្រុម​មក​ពី​ក្របខណ្ឌ​កំពូល​របស់​អេស្ប៉ាញ Villarreal ក្នុង​លទ្ធផល​ប្រកួត​ទាំង​ពីរ​ជើង 2 ទល់​នឹង 1។

ខ្សែ​ប្រយុទ្ធ Samuel Chukwueze គឺ​ជា​វីរៈបុរស​របស់ Villarreal ដែល​បាន​រក​គ្រាប់បាល់​​តាម​ស្មើ Bayern Munich កាល​ពី​ប្រកួត​យប់​មិញ ដោយ​ចប់​ការ​ប្រកួត​ក្នុង​លទ្ធផល​ស្មើ 1 ទល់​នឹង 1 ខណៈ​ដែល Villarreal មាន​គ្រាប់​បាល់​ចំណេញ​មួយ​គ្រាប់​កាល​ពី​ប្រកួត​ជើង​ទី​មួយ​នៅ​ទឹកដី​របស់​ខ្លួន។

ការ​ឡើង​ទៅ​កាន់​វគ្គ​ពាក់កណ្ដាល​ផ្ដាច់​ព្រ័ត​នៃ​ពាន UEFA Champions League នេះ​ដែរ វា​ជា​លើក​ដំបូង ក្នុង​រយៈពេល 16 ឆ្នាំ​ចុងក្រោយ សម្រាប់​ក្លឹប Villarreal។