តើ​កីឡាករ​រូប​ណា​របស់​ក្លឹប​តោខៀវ Chelsea ដែល​ប្រើប្រាស់​អាវ​លេខ 4 ហើយ​លេង​បាន​ល្អ​ជាងគេ?

ក្លឹប​តោខៀវ Chelsea ទើប​នឹង​បាន​បញ្ចប់​ការ​ចុះ​ហត្ថលេខា​លើ​ខ្សែការពារ​សញ្ជាតិ​បារាំង Benoit Badiashile ពី​ក្លឹប Monaco ក្នុង​តម្លៃ​ខ្លួន 35 លានផោន។ កីឡាករ​វ័យ 21 ឆ្នាំ​រូប​នេះ​ក៏​ត្រូវ​បាន​ក្លឹប​ប្រគល់​អាវ​លេខ 4 បន្ទាប់​ពី​ការ​ប្រកាស​ជា​ផ្លូវការណ៍​នៅ Stamford Bridge។ នៅ​ក្នុង​អត្ថបទនេះ​យើង​នឹង​លើក​យក​អតីត​កីឡាករ​របស់​ក្លឹប​តោខៀវ Chelsea ទាំង 4 រូប​ដែល​ធ្លាប់​បាន​ពាក់​អាវ​លេខ 4 និង​មាន​ស្ថិតិ​លេង​បាន​ល្អ​បំផុត។

4. Andreas Christensen

កីឡាករ​សញ្ជាតិ​ដាណឺម៉ាក​រូប​នេះ គឺ​ជា​កីឡាករ​ចុងក្រោយ​របស់ Chelsea ដែល​ពាក់​អាវ​លេខ 4 មុន​ពេល​ដែល​គាត់​បាន​ផ្ទេរ​ទៅ Barcelona។ Andreas Christensen បាន​ទទួល​អាវ​លេខ 4 ក្នុង​អំឡុង​ពេល​ចាប់ផ្តើម​រដូវកាល​ឆ្នាំ 2019-2020 ប៉ុន្តែ​ដំបូង​ឡើយ​គាត់​បាន​ប្រើប្រាស់​លេខ 27។

3. David Luiz

អតីត​​កីឡាករ​​ឆ្នើម​របស់​ក្លឹប​តោខៀវ Chelsea ម្នាក់​ទៀត​ដែល​បាន​ពាក់​អាវ​លេខ 4 សម្រាប់​​​តោ​ខៀវ​គឺ David Luiz។ ខ្សែការពារ​ជើង​ចាស់​របស់​ប្រេស៊ីល​រូប​នេះ​បាន​ចូលរួម​ជាមួយ Chelsea ដោយ​ផ្ទេរ​ពី Benfica ក្នុង​ខែ​មករា ឆ្នាំ 2011 ជាមួយ​នឹង​តម្លៃ​ខ្លួន 25 លានអឺរ៉ូ។

2. Cesc Fabregas

ខ្សែបម្រើ​សញ្ជាតិ​អេស្ប៉ាញ​រូប​នេះ ត្រូវ​បាន​គេ​ចាត់​ទុក​ជា​វីរបុរស​របស់​ក្លឹប​តោខៀវ Chelsea និង​ជា​កីឡាករ​ដែល​ប្រើប្រាស់​អាវ​លេខ 4 ផង​ដែរ។ Cesc Fabregas បាន​ចូលរួម​ជាមួយ​ក្លឹប​តោខៀវ​ដោយ​ផ្ទេរ​ពី​ក្លឹប​អ្នក​មាន​បុណ្យ Barcelona នៅ​រដូវក្តៅ​ឆ្នាំ 2014 ក្នុង​តម្លៃ​ផ្ទេរ 33 លានអឺរ៉ូ។

1. Claude Makelele

កីឡាករ​សញ្ជាតិ​បារាំង​ដែល​ធ្លាប់​ពាក់​អាវ​លេខ 4 រូបនេះ គឺ​ជា​ខ្សែបម្រើ​ដ៏​ឆ្នើម​ម្នាក់​ក្នុង​ប្រវត្តិសាស្ត្រ​របស់​ក្លឹប​តោខៀវ Chelsea។ Claude Makelele បាន​ចូលរួម​ជាមួយ​ក្លឹប​តោខៀវ​នៅ​រដូវ​ក្តៅ​ឆ្នាំ 2003 ដោយ​ផ្ទេរ​ពី​ក្លឹប​យក្ស​អេស្ប៉ាញ Real Madrid ក្នុង​តម្លៃ​ផ្ទេរ​ចំនួន 16 លានផោន។

ប្រភព: Sportskeeda