សម្រង់​សម្ដី​ដ៏​គួរ​ឲ្យ​ចាប់​អារម្មណ៍​ទាំង 5 ឃ្លា​របស់ Mario Balotelli

ខ្សែ​ប្រយុទ្ធ Mario Balotelli គឺ​ជា​កីឡាករ​ម្នាក់​ក្នុង​ចំណោម​កីឡាករ​ជា​ច្រើន​ទៀត​ដែល តែងតែ​បង្ករ​បញ្ហា​ចម្រូងចម្រាស​ពាក្យ​សម្ដី​ទាំង​ក្នុង និង​ក្រៅ​ទីលាន។ កីឡាករ​សញ្ជាតិ​អ៊ីតាលី​រូប​នេះ បាន​និយាយ​នូវ​ពាក្យ​សម្ដី​ដ៏​គួរ​ឲ្យ​អស់​សំណើច និង​ពេល​ខ្លះ​មាន​ន័យ​យ៉ាង​ស៊ីជម្រៅ​ផង​ដែរ។ ខាង​ក្រោម​នេះ យើងនឹង​លើក​យក​សម្ដី​ទាំង 5 ឃ្លា​ដែល Mario Balotelli ធ្លាប់​បាន​និយាយ។

1. ខ្ញុំ​នឹង​អញ្ជើញ Shakira ទៅ​មើល​ការ​ប្រកួត​វគ្គ​ផ្តាច់​ព្រ័ត្រ។ ដូច្នេះ​នាង​អាច​មើល​ឃើញ​ពី​អ្វី​ដែល​ខ្ញុំ​បាន​ធ្វើចំពោះ​មិត្ត​ប្រុស​របស់​នាង (Gerard Pique)។ [Mario Balotelli បាន​និយាយ​បែប​នេះ​ មុន​ពេល​ការ​ប្រកួត Euro 2012 វគ្គ​ផ្តាច់ព្រ័ត្រ]។

2. មាន​តែ​កីឡាករ​ម្នាក់​គត់​ដែល​ល្អ​ជាង​ខ្ញុំ​បន្តិច​គឺ Lionel Messi។ អ្នក​ផ្សេង​ទៀត សុទ្ធ​តែ​នៅ​ពី​ក្រោយ​ខ្ញុំ​ទាំង​អស់។ [Mario Balotelli ធ្លាប់​បាន​អះអាង​ថា គេ​ជា​កីឡាករ​ល្អ​បំផុត​ទី 2 ក្នុង​ពិភពលោក បន្ទាប់​ពី Lionel Messi]។

3. Wayne Rooney គាត់​ល្អ ប៉ុន្តែ​គាត់​មិន​មែន​ល្អ​បំផុត​នៅ Manchester ទេ។ [Mario Balotelli បាន​និយាយ​សម្តី​នេះ​ក្នុង​អំឡុង​ពេល​គាត់​លេង​នៅ Manchester City ដើម្បី​ចង់​បញ្ជាក់​ថា គាត់​ជា​ខ្សែ​ប្រយុទ្ធ​ល្អ​បំផុត​នៅ​ក្នុង​ទី​ក្រុង Manchester]។

4. សម្រាប់​ខ្ញុំ ម្តាយ​ខ្ញុំ​គឺ​ជា​អ្វី​គ្រប់​យ៉ាង។ [ឪពុកម្តាយ​ចិញ្ចឹម​របស់ Mario Balotelli ជា​ពិសេស​ម្តាយ​របស់​គាត់ ត្រូវ​បាន​គាត់​ចាត់​ទុក​ជា​រឿង​ទី​មួយ ហើយ​ការ​ប្រកួត​ទល់​នឹង​ក្រុម​ជម្រើស​ជាតិ​អាឡឺម៉ង់​ក្នុង​ព្រឹត្តិការណ៍ Euro 2012 គាត់​បាន​​ឧទ្ទិស​ដល់​អ្នក​មាន​គុណ​របស់​ខ្លួន]។

5. អ្នក​តែងតែ​និយាយ​អាក្រក់​ពី​ខ្ញុំ ហើយ​ខ្ញុំ​តែងតែ​​ស៊ុត​បញ្ចូលទី។ [Mario Balotelli បាន​និយាយ​សម្ដី​នេះ​នៅ​ពេល​ដែល​គាត់​បាន​បង្ហាញ​ខ្លួន​ជា​លើក​ដំបូង​សម្រាប់​ក្លឹប Inter Milan ដើម្បី​ផ្ញើ​ទៅ​កាន់​អ្នក​ដែល​ស្អប់​គាត់]។

ប្រភព: Sportskeeda