បាល់ទាត់អន្តរជាតិ

Liverpool ត្រៀមលក់ Joel Matip នៅចុងបញ្ចប់នៃរដូវកាលនេះ

Published

1 year ago

February 6, 2023

Lee Lee

ក្លឹបហង្សក្រហម Liverpool ត្រូវបានគេរាយការណ៍ថា បានត្រៀមខ្លួនរួចជាស្រេច ក្នុងការដាក់លក់ខ្សែការពារកណ្តាល Joel Matip នៅរដូវក្តៅនេះ។ កីឡាករសញ្ជាតិកាមេរូនរូបនេះ មានទម្រង់លេងមិនសូវល្អ និងហាក់ដូចជាបាត់បង់ទំនុកចិត្តពីគ្រូបង្វឹកផងដែរនៅរដូវកាលនេះ។

យ៉ាងណាមិញ Joel Matip មិនមែនជាជម្រើសដំបូងរបស់លោក Jurgen Klopp ទៀតឡើយ ដោយគ្រូបង្វឹករូបនេះប្រើប្រាស់ Ibrahima Konate និង Virgil van Dijk ជាជម្រើសសំខាន់។ ផ្សេងពីនេះទៀត Joe Gomez ក៏ត្រូវបានស្ថិតក្នុងជម្រើសបម្រុងមុនកីឡាកររូបនេះដែរ លុះត្រាណាតែកីឡាករទាំងអស់នោះមានបញ្ហារបួស ទើបតួនាទីត្រូវធ្លាក់មកដល់ Joel Matip។

អតីតកីឡាកររបស់ក្លឹប Schalke 04 រូបនេះស្ថិតនៅក្រោមកុងត្រាជាមួយ Liverpool រហូតដល់ឆ្នាំ 2024។ យ៉ាងណាទម្រង់លេងកាន់តែយ៉ាប់យ៉ឺនរបស់ Matip មានន័យថា ការបន្តកុងត្រាថ្មីប្រហែលជាមិនអាចកើតឡើងនោះទេ។ ថ្មីៗនេះយោងតាមរបាយការណ៍ដែលចុះផ្សាយដោយ Football Insider បានអះអាងថា ក្លឹបហង្សក្រហមត្រៀមនឹងលក់គាត់ក្នុងតម្លៃដ៏សមរម្យមួយនៅរដូវក្តៅខាងមុខ។