បាល់ទាត់អន្តរជាតិ
Carlo Ancelotti និយាយបែបនេះ ពេលដឹងថា Xavi បន្តនៅដឹកនាំ Barcelona
លោក Carlo Ancelotti ដែលជាគ្រូបង្វឹករបស់ក្លឹបអធិរាជស Real Madrid បានបញ្ចេញមតិយោបល់មួយចំនួនទាក់ទងនឹងការសម្រេចចិត្តស្នាក់នៅ Barceona បន្តទៀតរបស់លោក Xavi Hernandez។ ថ្វីត្បិតតែជាក្លឹបគូប្រជែងនឹងគ្នាក៏ដោយ ប៉ុន្តែ Carlo Ancelotti ហាក់បង្ហាញសុទិដ្ឋិនិយម និងការយល់ឃើញល្អៗពាក់ព័ន្ធនឹង Xavi។
គួររំលឹកផងដែរថា កាលពីខែមករា ដើមឆ្នាំកន្លងទៅ គ្រូបង្វឹករបស់ក្លឹប Barcelona លោក Xavi Hernandez បានប្រកាសពីការចាកចេញពីក្លឹបរបស់ខ្លួននៅចុងរដូវកាលនេះ។ ប៉ុន្តែក្រោយមកទៀត គ្រូបង្វឹករូបនេះបានផ្លាស់ប្តូរការសម្រេចចិត្តរបស់គាត់ ហើយនឹងបន្តធ្វើការជាមួយ Barcelona នៅរដូវកាលក្រោយទៀត។
ក្រោយដឹងថា Xavi នឹងបន្តនៅដឹកនាំ Barcelona បន្តទៀត Carlo Ancelotti បាននិយាយថា៖ “ខ្ញុំគិតថា Xavi ធ្វើបានល្អនៅ Barcelona វាហាក់ដូចជាខ្ញុំ ដែលបានសម្រេចចិត្តត្រឹមត្រូវក្នុងការស្នាក់នៅក្លឹបរបស់ខ្លួន។ យើងត្រូវគោរពចំពោះការផ្លាស់ប្តូរគំនិតរបស់មនុស្សម្នាក់ ព្រោះវាមិនមែនជាកិច្ចព្រមព្រៀងជាក់លាក់នោះទេ។ តើខ្ញុំបានផ្លាស់ប្តូរគំនិតប៉ុន្មានដង ក្នុងអាជីពរបស់ខ្ញុំ។ យ៉ាងណា នោះនៅតែត្រូវបានអនុញ្ញាត”។
ប្រភព: Plaantik