បាល់ទាត់អន្តរជាតិ
Bayern Munich ចាប់អារម្មណ៍ចង់ចុះហត្ថលេខាលើ Hakim Ziyech
ក្លឹបយក្សអាឡឺម៉ង់ Bayern Munich ត្រូវបានគេរាយការណ៍ថា បានបង្ហាញពីចំណាប់អារម្មណ៍របស់ខ្លួន ក្នុងការចុះហត្ថលេខាលើខ្សែប្រយុទ្ធស្លាបរបស់ក្លឹបតោខៀវ Chelsea គឺកីឡាករ Hakim Ziyech។ យ៉ាងណាមិញ បុរសសញ្ជាតិម៉ារ៉ុករូបនេះ ត្រូវបានគេផ្សារភ្ជាប់ជាមួយនឹងការចាកចេញពីទឹកដីអង់គ្លេស តាំងពីខែមករាមកម្ល៉េះ។
Hakim Ziyech បានបរាជ័យក្នុងការបង្ហាញខ្លួនជាកីឡាករសំខាន់ និងជាជម្រើសដំបូងក្រោមការដឹកនាំរបស់អតីតគ្រូបង្វឹកលោក Thomas Tuchel និងគ្រូបង្វឹកបច្ចុប្បន្ន Graham Potter។ រដូវកាលនេះ គាត់បានបង្ហាញខ្លួនក្នុងការប្រកួតសរុបសម្រាប់ក្លឹបតោខៀវចំនួន 17 ប្រកួត ដោយរួមចំណែក Assists បានម្ដង និងមិនមានគ្រាប់បាល់ស៊ុតបញ្ចូលទីសូម្បីតែមួយគ្រាប់។
នៅថ្ងៃចុងក្រោយនៃទីផ្សារដោះដូរកីឡាករខែមករាកន្លងទៅ Hakim Ziyech បានឈានដល់កិច្ចព្រមព្រៀងផ្ទេរទៅ Paris Saint-Germain ក្នុងលក្ខខ័ណ្ឌខ្ចីជើង ហើយគាត់បានជិះយន្តហោះទៅប្រទេសបារាំងដើម្បីពិនិត្យសុខភាពផងដែរ។ ទោះបីជាយ៉ាងណាក៏ដោយ Chelsea ត្រូវបានគេចោទប្រកាន់ថា បានផ្ញើឯកសារយឺតយ៉ាវ និងខុសជាច្រើនដង ហើយបានធ្វើឲ្យគ្រប់យ៉ាងត្រូវខកខាន។
យោងតាមគេហទំព័រ Fichajes របស់អេស្ប៉ាញបានឲ្យដឹងថា ក្លឹប PSG នឹងបន្តព្យាយាមនាំយកកីឡាករវ័យ 29 ឆ្នាំរូបនេះមកទឹកដីបារាំងម្ដងទៀតនៅចុងបញ្ចប់នៃរដូវកាល ប៉ុន្តែលើកនេះពួកគេនឹងត្រូវប្រឈមមុខនឹងការប្រកួតប្រជែងពី Bayern Munich ដែលចង់បានកីឡាករឆ្នើមរូបនេះដែរ។ យ៉ាងណាក៏ដោយ Hakim Ziyech នៅតែត្រូវបានគេជឿថា ពេញចិត្តនឹងការផ្ទេរទៅ Parc des Princes ជាងផ្ទេរទៅទឹកដីអាឡឺម៉ង់។
ប្រភព: Sportsmole
ទម្រង់របស់ Real Madrid មិនទាន់នឹងនរនៅឡើយទេ បន្ទាប់Tony Kroos
ក្រុម Crystal Palace ឈ្នះពាន FA Cup ជាលើកដំបូងក្នុងប្រវត្តិសាស្ត្រ បន្ទាប់ពីរង់ចាំអស់ពេលជាង ១២០ឆ្នាំ
ទីបំផុត Bologna ទទួលបានពានរង្វាន់ធំជាលើកដំបូង ក្រោយពីរង់ចាំអស់ ៥១ឆ្នាំ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
