បាល់ទាត់អន្តរជាតិ
Real Madrid កំពុងពិចារណាចង់ចុះហត្ថលេខាលើ Kai Havertz
ក្លឹបអធិរាជស Real Madrid ត្រូវបានគេរាយការណ៍ថា កំពុងពិចារណាក្នុងការចុះហត្ថលេខាលើខ្សែបម្រើប្រយុទ្ធមួយរូបរបស់ក្លឹបតោខៀវ Chelsea គឺកីឡាករ Kai Havertz។ យ៉ាងណាមិញកីឡាករសញ្ជាតិអាឡឺម៉ង់រូបនេះ ត្រូវបានគេគិតថា អាចនឹងចង់ចាកចេញពីក្លឹបបច្ចុប្បន្នរបស់ខ្លួននៅចុងបញ្ចប់នៃរដូវកាល ស្របពេលដែលក្រុមមានទម្រង់លេងធ្លាក់ចុះខ្លាំង និងមិនមានឱកាសប្រជែងពានធំៗនៅរដូវកាលក្រោយ។
អតីតកីឡាកររបស់ក្លឹប Bayer Leverkusen រូបនេះ ធ្លាប់ត្រូវបានផ្សារភ្ជាប់ជាមួយនឹងការផ្ទេរទៅក្លឹបធំៗ ជាយូរមកហើយដែលមានទាំង Manchester City ផងដែរ។ ខ្សែបម្រើវ័យ 23 ឆ្នាំ Kai Havertz បានលេងយ៉ាងទៀងទាត់ ជាមួយតោខៀវដោយបានបង្ហាញខ្លួន 133 ប្រកួត ហើយស៊ុតបញ្ចូលទីបាន 32 គ្រាប់ និង Assists បាន 15 ដង។
ដោយឡែករបាយការណ៍ចុងក្រោយមួយបានឲ្យដឹងថា Real Madrid នឹងបន្តកុងត្រាថ្មីជាមួយ Karim Benzema មួយរដូវកាលបន្ថែមទៀត ដោយកីឡាករសញ្ជាតិបារាំងរូបនេះនឹងលេងរដូវកាលចុងក្រោយរបស់គាត់បានមួយឆ្នាំទៀត។ ទោះជាយ៉ាងណាក៏ដោយ Real Madrid នឹងខ្វះជម្រើសជំនួស Benzema នៅតំបន់ប្រយុទ្ធកណ្តាល ដោយ Mariano Diaz គ្រោងនឹងចាកចេញនៅរដូវក្តៅនេះ ហើយ Kai Havertz ត្រូវបានគេដឹងថា ជាបេក្ខភាពដ៏សាកសមបំផុតដែលក្លឹបយក្សអេស្ប៉ាញចង់បាន។
ប្រភព: Sportsmole
Thomas Tuchel បើកចិត្តក្នុងការចង់មកដឹកនាំនៅបិសាចក្រហម
Thiago Silva សម្រេចចិត្តវិលត្រឡប់ទៅលេងនៅប្រទេសកំណើតរបស់ខ្លួនវិញ
សង្គ្រាមដណ្ដើមចំណាត់ថ្នាក់លេខ 2 រវាង Girona និង Barcelona នៅយប់នេះ!!!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
