បាល់ទាត់អន្តរជាតិ
តោខៀវ Chelsea អនុញ្ញាតឲ្យ Aubameyang ចាកចេញដោយគ្មានតម្លៃខ្លួន មុនកុងត្រាផុតកំណត់
ក្លឹបតោខៀវ Chelsea អាចនឹងត្រូវបង្ខំចិត្តឲ្យខ្សែប្រយុទ្ធឆ្នើម Pierre-Emerick Aubameyang ចាកចេញដោយគ្មានតម្លៃខ្លួននៅរដូវក្តៅនេះ ខណៈដែលពួកគេកំពុងព្យាយាមកាត់បន្ថយចំនួនកីឡាករ និងការចំណាយទៅលើក្រុមដ៏ច្រើនសន្ធឹកសន្ធាប់របស់ខ្លួន។ ដូចគ្នានេះដែរ តោខៀវដែលកំពុងស្ថិតក្នុងស្ថានភាពដ៏លំបាកនៅរដូវកាលនេះ ត្រូវបានគេដឹងថា នឹងវៃចេញកីឡាករជាច្រើននៅចុងបញ្ចប់នៃរដូវកាលនេះ។
ដោយឡែក Aubameyang ត្រូវបានផ្សារភ្ជាប់ជាមួយនឹងការវិលត្រឡប់ទៅ Barcelona វិញ បើទោះបីជាជាក់ស្តែងបញ្ហាហិរញ្ញវត្ថុគឺជាបញ្ហាចំបងនៅ Camp Nou ក៏ដោយ។ យោងតាមរបាយការណ៍ពី The Telegraph បានរាយការណ៍ថា តោខៀវ Chelsea ទំនងជាត្រូវបានបង្ខំចិត្តឲ្យបោះបង់ចោល Aubameyang ដែលអាចឲ្យពួកគេសន្សំសំចៃលើការចំណាយលើកប្រាក់ខែសម្រាប់តារាឆ្នើមរូបនេះបានមួយផ្នែកផងដែរ។
Aubameyang បានចុះហត្ថលេខាលើកិច្ចព្រមព្រៀងរយៈពេលពីរឆ្នាំនៅ Chelsea កាលពីរដូវក្តៅឆ្នាំមុន ជាមួយនឹងការផ្ទេរដែលមានតម្លៃ 12 លានផោនពី Barcelona ប៉ុន្តែការផ្ទេរនេះពិតជាមិនដំណើរការបានល្អសមតាមបំណងរបស់ក្លឹបឡើយ ហើយគាត់កំពុងស្វែងរកច្រកចេញពី Stamford Bridge។ ក្រៅពីការវិលត្រឡប់មកក្លឹបចាស់ Barcelona វិញ Atletico Madrid និង AC Milan ក៏ត្រូវបានគេអះអាងថា កំពុងចាប់អារម្មណ៍លើ Aubameyang ដែរ។
ប្រភព: Barcablaugranes
ហេតុផលទាំង 4 ដែល FIFA មិនអនុញ្ញាតឱ្យកីឡាករមានក្លឹបច្រើននៅក្នុងដៃ
Manchester United កំពុងពិចារណាយកអ្នកចាំទីម្នាក់តម្លៃ ៧៥លានអឺរ៉ូ មកជំនួសកន្លែង Onana
ក្លឹបបាល់ទាត់នៅបារាំងដែល Mbappe ទើបតែទិញ កំពុងជួបបញ្ហាធ្ងន់ធ្ងរមិនធ្លាប់មាន
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
