បាល់ទាត់អន្តរជាតិ
Real Madrid ត្រៀមស្នើខ្ចីជើងខ្សែប្រយុទ្ធ Vlahovic របស់ក្លឹប Juventus
Real Madrid ត្រូវបានគេរាយការណ៍ថា គ្រោងនឹងដាក់ការស្នើខ្ចីជើងកីឡាករ Dusan Vlahovic របស់ក្លឹបសេះបង្កង់ Juventus។ ស្របពេលដែល Karim Benzema ជាខ្សែប្រយុទ្ធឆ្នើមពិបាករកអ្នកជំនួសបាន ចាកចេញទៅអារ៉ាប៊ីសាអូឌីតជាមួយក្លឹប Al-Ittihad លោក Carlo Ancelotti កំពុងសម្លឹងមើលខ្សែប្រយុទ្ធចំណូលថ្មីម្នាក់ជាចាំបាច់។
កាលពីប៉ុន្មានសប្ដាហ៍មុន Joselu បានចាកចេញពី Espanyol ក្នុងលក្ខខណ្ឌខ្ចីជើងមក Real Madrid ប៉ុន្តែកីឡាករសញ្ជាតិអេស្ប៉ាញរូបនេះ មិនត្រូវបានគេចាត់ទុកជាជម្រើសដំបូងរបស់ក្លឹបឡើយ។ ជាមួយគ្នានេះដែរ ពួកគេក៏បានព្យាយាមចុះហត្ថលេខាលើ Kylian Mbappe ប៉ុន្តែ PSG ប្រហែលជានឹងមិនលក់ Mbappe នៅពេលនេះទេ ហើយខ្សែប្រយុទ្ធឆ្នើមរូបនេះនឹងចំណាយពេលមួយរដូវកាលទៀតនៅ Parc des Princes។
យោងតាមរបាយការណ៍ពី Cadena Ser និង Calciomercato បានឲ្យដឹងថា Real Madrid នឹងសុខចិត្តបង់ប្រាក់ 15 លានអឺរ៉ូ ទៅឲ្យ Juventus ដើម្បីចុះហត្ថលេខាខ្ចីជើង Vlahovic ដែលមានជម្រើសក្នុងការទិញផ្ដាច់កុងត្រានៅរដូវកាលបន្ទាប់។ នៅពេលចប់រដូវកាលក្រោយពួកគេអាចនឹងទទួលបាន Mbappe ដោយគ្មានតម្លៃខ្លួន ហើយពិចារណាទិញផ្ដាច់កុងត្រារបស់ Vlahovic រឺក៏អាចឲ្យគាត់ត្រឡប់ទៅទឹកដីអ៊ីតាលីវិញក៏បាន។
ប្រភព: Sportsmole
Erling Haaland ស៊ុត 4 គ្រាប់ម្នាក់ឯង ក្នុងជំនួបទល់នឹង Wolverhampton (មានវីដេអូ)
Thomas Tuchel បើកចិត្តក្នុងការចង់មកដឹកនាំនៅបិសាចក្រហម
Thiago Silva សម្រេចចិត្តវិលត្រឡប់ទៅលេងនៅប្រទេសកំណើតរបស់ខ្លួនវិញ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
