បាល់ទាត់អន្តរជាតិ
Jarrod Bowen ប្រាប់ឈ្មោះកីឡាករមួយរូបដែលខ្លួនចង់លេងជាមួយបំផុត
ខ្សែប្រយុទ្ធឆ្នើម Jarrod Bowen ដែលជាកីឡាករបាល់ទាត់អាជីពរបស់ក្រុមជម្រើសជាតិអង់គ្លេស និងបច្ចុប្បន្នកំពុងប្រកបអាជីពជាមួយក្លឹប West Ham United នៃក្របខ័ណ្ឌ Premier League ថ្មីៗនេះបានបង្ហាញនូវរឿងដ៏គួរឲ្យចាប់អារម្មណ៍មួយពាក់ព័ន្ធនឹងកីឡាករដែលគាត់ស្រឡាញ់ និងចង់លេងជាមួយបំផុត។
នៅពេលដែលត្រូវបានសួរដោយ JD Football អំពីកីឡាករល្អបំផុតដែលគាត់ធ្លាប់លេងជាមួយ Jarrod Bowen បានជ្រើសរើសយកខ្សែបម្រើ Declan Rice ដោយពួកគេជាមិត្តរួមក្រុមជាមួយនឹងគ្នានៅក្លឹប West Ham United និងក្រុមជម្រើសជាតិអង់គ្លេស។ ទោះជាយ៉ាងណា អ្នកទាំងពីរមិនមែនជាមិត្តរួមក្រុមជាមួយគ្នាទៀតឡើយ បន្ទាប់ពី Declan Rice បានសម្រេចចិត្តចាកចេញទៅចូលរួមជាមួយនឹងក្លឹបកាំភ្លើងធំ Arsenal កាលពីពេលថ្មីៗនេះ។
យ៉ាងណាមិញ JD Football ក៏បានបន្តសួរសំណួរមួយទៀតទៅកាន់ខ្សែប្រយុទ្ធរូបនេះ អំពីកីឡាករដែលគាត់ចង់លេងជាមួយបំផុត។ Jarrod Bowen បាននិយាយថា៖ “Lionel Messi ព្រោះគាត់ជា Idol របស់ខ្ញុំ។ ខ្ញុំធំឡើងដោយមាន David Beckham ជាកីឡាករដែលខ្ញុំស្រឡាញ់ ប៉ុន្តែនៅពេលដែលខ្ញុំយល់ពីបាល់ទាត់កាន់តែច្រើន សម្រាប់ខ្ញុំ Messi គឺល្អបំផុត។ ដូច្នេះការលេងជាមួយគាត់ គឺជាអារម្មណ៍ដ៏រំភើបមួយ”។
ប្រភព: JD Football
Erling Haaland ស៊ុត 4 គ្រាប់ម្នាក់ឯង ក្នុងជំនួបទល់នឹង Wolverhampton (មានវីដេអូ)
Thomas Tuchel បើកចិត្តក្នុងការចង់មកដឹកនាំនៅបិសាចក្រហម
Thiago Silva សម្រេចចិត្តវិលត្រឡប់ទៅលេងនៅប្រទេសកំណើតរបស់ខ្លួនវិញ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
