បាល់ទាត់អន្តរជាតិ
គ្រាន់តែលឺថា PSG ចង់លក់ Kylian Mbappe ភ្លាម Chelsea ចាប់អារម្មណ៍ភ្លែត
យោងតាមសេចក្ដីរាយការណ៍ចុងក្រោយមួយបានឲ្យដឹងថា ក្លឹបតោខៀវ Chelsea នឹងព្យាយាមខិតខំលើការផ្ទេរដ៏ធំមួយសម្រាប់ខ្សែប្រយុទ្ធ Kylian Mbappe របស់ Paris Saint-Germain ហើយពួកគេនឹងពិចារណាចាយលុយលើកិច្ចព្រមព្រៀងសម្រាប់ខ្សែប្រយុទ្ធសញ្ជាតិបារាំងរូបនេះតាមលទ្ធភាពដែលអាចធ្វើទៅបាន។
យ៉ាងណាមិញបច្ចុប្បន្ននេះប្រធានក្លឹបតោខៀវលោក Todd Boehly កំពុងសម្របសម្រួលការលក់កីឡាករចេញ ឲ្យបានច្រើនតាមដែលអាចធ្វើទៅបាន ដើម្បីបំពេញតាមបទប្បញ្ញត្តិរបស់ FFP ទាក់ទងនឹងចំណូលចំណាយលើកីឡាករ។ កីឡាករ 13 នាក់ ដែលមានវត្តមានកាលពីរដូវកាលមុន គឺលែងមានវត្តមានទៀតហើយ។ ក្នុងនោះ 10 នាក់ចាកចេញក្នុងនាមជាកីឡាករលក់ផ្ដាច់កុងត្រា និង 3 នាក់ទៀតដែលមាន David Datro Fofana ខ្ចីជើងទៅ Union Berlin, Denis Zakaria និង Joao Felix ត្រឡប់ទៅ Juventus និង Atletico Madrid ដែលជាក្លឹបដើមរបស់ពួកគេវិញ។
ខណៈពេលនៃការចាកចេញរបស់កីឡាករជាច្រើន លោក Mauricio Pochettino ដែលជាគ្រូបង្វឹករបស់ក្លឹបក៏បានទទួលខ្សែប្រយុទ្ធចំណូលថ្មី Christopher Nkunku និង Nicolas Jackson ផងដែរ។ ទោះជាយ៉ាងណាក៏ដោយ Chelsea នៅតែលូកដៃចូលក្នុងទីផ្សារដោះដូរកីឡាករដើម្បីស្វែងរកខ្សែប្រយុទ្ធថ្មី ហើយយោងតាមអ្នកកាសែត RMC Sport លោក Fabrice Hawkins បានឲ្យដឹងថា Chelsea កំពុងពិចារណារកវិធី និងរៀបចំទឹកប្រាក់ដ៏សមគួរមួយដើម្បីដាក់សំណើរសម្រាប់នាំយក Mbappe មក Stamford Bridge។
ប្រភព: Sportsmole
Mascherano ធ្វើជាគ្រូបង្វឹករបស់ Miami សំអាងលើ Messi និង Suarez?
ការសម្រេចចិត្តចុងក្រោយរបស់ Cristiano ចំពោះក្លឹប Al Nassr សម្រាប់ឆ្នាំ ២០២៥
អ្នកមកចែចូវ Vini JR ពី Real Madrid លើកនេះមិនក្រីក្រប៉ុន្មានទេ!!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
