បាល់ទាត់អន្តរជាតិ
Allan Saint-Maximin សម្រេចចិត្តចាកចេញពីទឹកដីអង់គ្លេស ទៅអារ៉ាប៊ីសាអូឌីត
ក្រោយពីមានពាក្យចចាមអារ៉ាមជាច្រើនកាលពីពេលថ្មីៗនេះ ពាក់ព័ន្ធនឹងខ្សែប្រយុទ្ធស្លាប Allan Saint-Maximin ពេលនេះក្លឹប Newcastle United បានប្រកាសបញ្ជាក់ជាផ្លូវការណ៍ហើយថា តារាឆ្នើមដែលធ្លាប់រស់ក្នុងទ្រនំជាមួយពួកគេរយៈពេល 5 ឆ្នាំ បានផ្ទេរទៅចូលរួមជាមួយក្លឹប Al-Ahli របស់អារ៉ាប៊ីសាអូឌីតហើយ ជាមួយនឹងតម្លៃទិញផ្ដាច់កុងត្រាដែលមិនបង្ហាញ។
កីឡាករវ័យ 26 ឆ្នាំរូបនេះបានមកដល់ Newcastle United ក្នុងខែសីហា ឆ្នាំ 2019 ហើយគាត់បានបង្ហាញខ្លួនសរុប ក្នុងនាមជាកីឡាករដ៏សំខាន់របស់ក្លឹបចំនួន 124 ប្រកួត ដោយស៊ុតបញ្ចូលទីបាន 13 គ្រាប់ និង Assists បានចំនួន 21 ដង។ Saint-Maximin បានបង្ហាញខ្លួនចំនួន 31 ប្រកួតសម្រាប់ Newcastle United កាលពីរដូវកាលមុន ប៉ុន្តែគាត់បានស៊ុតបញ្ចូលទីបានតែ 1 គ្រាប់គត់ និង Assists ចំនួន 5 លើក។
ដំបូងឡើយ គេបានគិតថា Allan Saint-Maximin នឹងចាកចេញពី Newcastle United ដើម្បីស្វែងរកការប្រកួតប្រជែងថ្មី ប៉ុន្តែក្លឹបនៅអារ៉ាប៊ីសាអូឌីត មិនមែនជាជម្រើសរបស់គាត់នោះទេ។ ផ្ទុយមកវិញ កីឡាករសញ្ជាតិបារាំងរូបនេះ ត្រូវបានទាក់ទាញចិត្តឲ្យចាកចេញពីតំបន់អឺរ៉ុប ទៅមជ្ឃឹមបូព៌ាជាមួយក្លឹប Al-Ahli។
ប្រភព: Sportsmole
-
បាល់ទាត់អន្តរជាតិ3 days ago
អតីតកីឡាករមួយរូបរបស់ Barcelona បន្លំឲ្យប្អូនភ្លោះរបស់ខ្លួនចូលលេងជំនួស ដើម្បីជួយក្រុម!!!
-
បាល់ទាត់អន្តរជាតិ2 days ago
Man City កំពុងស្វែងរកឱកាសលក់ខ្សែប្រយុទ្ធស្លាប Jack Grealish
-
បាល់ទាត់អន្តរជាតិ1 day ago
Man United កំពុងរៀបចំសំណើរទិញខ្សែប្រយុទ្ធ Ollie Watkins របស់ Aston Villa