បាល់ទាត់អន្តរជាតិ
Ter Stegen ប្រាប់ឈ្មោះអ្នកចាំទីល្អបំផុតទាំង 3 រូប នៅក្នុងពិភពបាល់ទាត់
អ្នកចាំទី Marc-Andre ter Stegen របស់ក្លឹប Barcelona ថ្មីៗនេះបានលើកយកឈ្មោះកីឡាករកំពូលៗទាំងបីរូប ដែលគាត់យល់ថា ជាអ្នកចាំទីដ៏ល្អបំផុតនៅក្នុងពិភពលោក។ យ៉ាងណាមិញ អ្វីដែលគួរឲ្យកត់សម្គាល់នោះគឺ ក្នុងចំណោមអ្នកចាំទីទាំង 3 ដែល Ter Stegen បានជ្រើសរើសក៏មាន Thibaut Courtois ដែលជាកីឡាករស្ថិតក្នុងក្រុមជាគូប្រជែងដ៏ស្វិតស្វាញរបស់ Barcelona ដែរ។
បច្ចុប្បន្ន Ter Stegen ក៏ជាអ្នកចាំទីមួយរូបដែលត្រូវបានគេចាត់ទុកថា ជាកីឡាករដ៏ល្អបំផុតនៅលើពិភពលោកដូចគ្នា។ កាលពីរដូវកាលមុន Ter Stegen បានបង្ហាញនូវទម្រង់លេងដ៏ល្អ ដោយរក្សាបាននូវកំណត់ត្រា Clean sheets 27 ដង និងបានក្លាយជាចំណែកមួយដ៏សំខាន់ក្នុងការលើកពានលីគកំពូលរបស់ Barcelona ទៀតផង។
នៅក្នុងបទសម្ភាសន៍ជាមួយប្រព័ន្ធផ្សព្វផ្សាយរបស់ក្លឹបកាតាឡាន់ Ter Stegen ត្រូវបានគេសួរអំពីអ្នកចាំទីដែលគាត់គិតថា ស្ថិតក្នុងកម្រិតកំពូលទាំងបីរូបជានរណា? ពេលនោះកីឡាករសញ្ជាតិអាឡឺម៉ង់រូបនេះបាននិយាយថា៖ “ខ្ញុំនឹងមិនរាប់បញ្ចូលខ្លួនឯងទេ។ មាន Thibaut Courtois ដែលខ្ញុំគិតថា គាត់កំពុងធ្វើរឿងដ៏អស្ចារ្យ។ រដូវកាលមុន និងពីមុនមក Ederson Moraes ក៏ធ្វើបានល្អណាស់ដែរ។ ខ្ញុំអាចបន្ថែមឈ្មោះអ្នកចាំទីជាច្រើនទៀត ប៉ុន្តែខ្ញុំនឹងរាប់ត្រឹមបីនាក់។ ខ្ញុំក៏ចូលចិត្តការបង្ហាញរបស់ Alex Remiro។ ខ្ញុំគិតថា គាត់កំពុងធ្វើរឿងដ៏ល្អបំផុត ក្នុងរយៈពេលប៉ុន្មានឆ្នាំចុងក្រោយនេះ ហើយខ្ញុំពិតជាចូលចិត្តគាត់ ក្នុងនាមជាមនុស្សល្អម្នាក់ផងដែរ”។
ប្រភព: Dailypost NG
-
បាល់ទាត់អន្តរជាតិ2 days ago
តើ Real Madrid នឹងប្រើប្រាស់អ្នកចាំទីរូបណា នៅក្នុងការប្រកួតវគ្គផ្ដាច់ព្រ័ត UEFA Champions League?
-
បាល់ទាត់អន្តរជាតិ2 days ago
Pepe នឹងចាកចេញពី Porto មកចូលរួមជាមួយ Barcelona នៅរដូវក្ដៅនេះ!!!
-
បាល់ទាត់អន្តរជាតិ3 days ago
Carlo Ancelotti លើកឡើងថា កូនក្រុមរបស់ខ្លួនរូបនេះ នឹងឈ្នះ Ballon d’Or