បាល់ទាត់អន្តរជាតិ
Barcelona ប្រកាសបន្តកុងត្រាថ្មីរយៈពេលវែងដល់ Ter Stegen
កាលពីម្សិលមិញនេះ ក្លឹបអ្នកមានបុណ្យ Barcelona ប្រកាសបញ្ជាក់ថា អ្នកចាំទី Marc-Andre ter Stegen បានចុះកុងត្រាថ្មីរហូតដល់ខែមិថុនា ឆ្នាំ 2028។ កិច្ចព្រមព្រៀងកុងត្រាពីមុនរបស់កីឡាករសញ្ជាតិអាឡឺម៉ង់រូបនេះជាមួយ Barcelona ត្រូវផុតកំណត់នៅចុងបញ្ចប់រដូវកាលឆ្នាំ 2024-2025។
ទោះជាយ៉ាងណាក៏ដោយ ពេលនេះក្លឹបយក្សកាតាឡាន់បានបន្ថែមកុងត្រាថ្មីលើកុងត្រាបច្ចុប្បន្ន ដែលបញ្ជាក់កាន់តែច្បាស់ថា អ្នកចាំទីឆ្នើមរូបនេះនឹងនៅជាមួយពួកគេរយៈពេលយូរ។ យោងតាមការប្រកាសរបស់ក្លឹបអេស្ប៉ាញមួយនេះបានសរសេរថា៖ “ក្លឹប FC Barcelona និងកីឡាករ Marc ter Stegen បានឈានដល់កិច្ចព្រមព្រៀង ដើម្បីបន្តកុងត្រារបស់គាត់រហូតដល់ថ្ងៃទី 30 ខែមិថុនា ឆ្នាំ 2028។ លក្ខខណ្ឌទិញផ្ដាច់កុងត្រាអ្នកចាំទីរូបនេះគឺ 500 លានអឺរ៉ូ”។
គួររំលឹកផងដែរថា Ter Stegen បានចូលរួមជាមួយ Barcelona ដោយផ្ទេរពីក្លឹប Borussia Monchengladbach ក្នុងឆ្នាំ 2014 ហើយគិតមកទល់នឹងពេលនេះ គាត់លេងបានប្រកួតសរុបឲ្យ Barcelona បាន 379 ប្រកួតហើយ។ កីឡាករវ័យ 31 ឆ្នាំរូបនេះមានទម្រង់លេងដ៏ល្អ កាលពីរដូវកាលមុន 2022-2023 ដោយបានបង្ហាញខ្លួន 50 ប្រកួត រក្សាគ្រាប់បាល់មិនឲ្យចូលសំណាញ់ទីបាន 28 ដង។
ប្រភព: Dailypost NG
-
បាល់ទាត់អន្តរជាតិ3 days ago
Man City កំពុងស្វែងរកឱកាសលក់ខ្សែប្រយុទ្ធស្លាប Jack Grealish
-
បាល់ទាត់អន្តរជាតិ2 days ago
Man United កំពុងរៀបចំសំណើរទិញខ្សែប្រយុទ្ធ Ollie Watkins របស់ Aston Villa
-
បាល់ទាត់អន្តរជាតិ2 days ago
Aston Villa ដណ្ដើមបានកៅអីលេង UEFA Champions League ជាលើកដំបូង ក្រោយខកខានតាំងពីឆ្នាំ 1983 មក