បាល់ទាត់អន្តរជាតិ
Kylian Mbappe កំពុងពិចារណាបន្តកុងត្រាថ្មីបន្ថែមមួយឆ្នាំទៀត ជាមួយ PSG
ខ្សែប្រយុទ្ធ Kylian Mbappe របស់ក្លឹប Paris Saint-Germain កំពុងពិភាក្សាជាមួយក្លឹបបច្ចុប្បន្នរបស់ខ្លួន ដើម្បីចុះហត្ថលេខាលើកុងត្រាថ្មី នេះបើយោងតាម Foot Mercato បានចុះផ្សាយ។ ការអះអាងនេះ បានកើតឡើងបន្ទាប់ពីក្លឹបម្ចាស់ជើងឯក Ligue 1 បានសម្របសម្រួលត្រូវរូវគ្នា និងអនុញ្ញាតឲ្យកីឡាករវ័យ 24 ឆ្នាំរូបនេះ មកចូលក្នុងក្រុមឈុតធំវិញ។
យ៉ាងណាមិញ យើងបានដឹងហើយថា កាលពីប៉ុន្មានសប្ដាហ៍មុន Kylian Mbappe ត្រូវបានក្លឹបដកឈ្មោះចេញពីក្រុមឈុតធំ ហើយក៏មិនមានឈ្មោះនៅក្នុងការប្រកួតបើកឆាករបស់ PSG ផងដែរ។ រឿងនេះកើតឡើង ដោយសារខ្សែប្រយុទ្ធសញ្ជាតិបារាំងរូបនេះ មិនព្រមចុះហត្ថលេខាបន្តកុងត្រាថ្មីជាមួយ PSG។
នៅក្នុងកិច្ចប្រជុំមួយកាលពីថ្ងៃអាទិត្យម្សិលមិញ ប្រធានក្លឹប PSG លោក Nasser Al Khelaifi បានប្រាប់ថា Kylian Mbappe បានវិលត្រឡប់មកលេងជាមួយមិត្តរួមក្រុមជាធម្មតាវិញហើយ ហើយឥឡូវនេះកំពុងស្ថិតក្នុងការចាត់ចែងរបស់គ្រូបង្វឹកលោក Luis Enrique។
លើសពីនេះទៅទៀត របាយការណ៍ចុងក្រោយមួយបានអះអាងថា ពេលនេះ Mbappe កំពុងស្ថិតក្នុងការពិភាក្សាជុំវិញការបន្តកុងត្រាថ្មីនៅ PSG។ គេបានដឹងថា វាជាការបន្តកុងត្រារយៈពេលមួយឆ្នាំបន្ថែមទៀត ដែលមានន័យថា Mbappe នឹងត្រូវជាប់កុងត្រារហូតដល់ឆ្នាំ 2025 ជាមួយក្លឹបយក្សបារាំង។
ប្រភព: Dailypost NG
-
បាល់ទាត់អន្តរជាតិ1 day ago
តើ Real Madrid នឹងប្រើប្រាស់អ្នកចាំទីរូបណា នៅក្នុងការប្រកួតវគ្គផ្ដាច់ព្រ័ត UEFA Champions League?
-
បាល់ទាត់អន្តរជាតិ1 day ago
Pepe នឹងចាកចេញពី Porto មកចូលរួមជាមួយ Barcelona នៅរដូវក្ដៅនេះ!!!
-
បាល់ទាត់អន្តរជាតិ2 days ago
Carlo Ancelotti លើកឡើងថា កូនក្រុមរបស់ខ្លួនរូបនេះ នឹងឈ្នះ Ballon d’Or