បាល់ទាត់អន្តរជាតិ
បិសាចក្រហម ត្រៀមលុយ 50 លានអឺរ៉ូ ដើម្បីដេញថ្លៃខ្សែបម្រើមួយរូបរបស់ក្លឹប Valencia
ក្លឹបបិសាចក្រហម Manchester United ត្រូវបានគេរាយការណ៍ថាកំពុងរៀបចំសំណើរជាទឹកប្រាក់ 50 លានអឺរ៉ូ (44 លានផោន) សម្រាប់ការដេញថ្លៃខ្សែបម្រើ Javi Guerra របស់ Valencia។ កីឡាករវ័យ 20 ឆ្នាំរូបនេះទើបតែបង្ហាញខ្លួនជាមួយក្រុមឈុតធំនៅពាក់កណ្តាលខែមេសានេះប៉ុណ្ណោះ ប៉ុន្តែឈ្មោះរបស់គាត់ហាក់ដូចជាត្រូវបានអ្នកគាំទ្រចងចាំ និងចាត់ទុកជាកីឡាករឆ្នើមមួយរូបរបស់ក្រុមទៅហើយ។
បច្ចុប្បន្ន Javi Guerra គឺជាខ្សែបម្រើដ៏សំខាន់របស់ Valencia ដោយនៅរដូវកាលនេះគាត់បានបង្ហាញខ្លួននៅក្របខណ្ឌ La Liga ចំនួន 10 ប្រកួតមកហើយ។ ទម្រង់លេងរបស់ Javi Guerra ធ្វើឲ្យក្លឹបធំៗជាច្រើនចាប់អារម្មណ៍ ជាពិសេសគឺក្លឹបបិសាចក្រហម Manchester United និង Newcastle United។
យ៉ាងណាមិញ ថ្មីៗយោងតាមរបាយការណ៍របស់ Fichajes បានឲ្យដឹងថា ក្លឹបបិសាចក្រហម Manchester United កំពុងរៀបចំទឹកប្រាក់ 50 លានអឺរ៉ូ (44 លានផោន) សម្រាប់ដេញថ្លៃ Javi Guerra។ បិសាចក្រហមជឿថា កីឡាករវ័យក្មេងសញ្ជាតិអេស្ប៉ាញរូបនេះ នឹងមានអនាគតដ៏ត្រចះត្រចង់ក្នុងពិភពបាល់ទាត់នាពេលខាងមុខ។ Javi Guerra នៅមានកុងត្រាជាមួយក្លឹបបច្ចុប្បន្នរហូតដល់ខែមិថុនា ឆ្នាំ 2027 និងមានលក្ខខណ្ឌលក់ចេញ 100 លានអឺរ៉ូ (87.3 លានផោន)។ យ៉ាងណាតម្លៃខ្លួនរបស់គេ អាចនឹងឡើងចុះអាស្រ័យលើការចរចារបស់ក្លឹបទាំងពីរ។
ប្រភព: Sportsmole
-
បាល់ទាត់អន្តរជាតិ2 days ago
Robin van Persie ក្លាយជាគ្រូបង្វឹករបស់ក្លឹប Heerenveen នៅលីគកំពូលហូឡង់
-
បាល់ទាត់អន្តរជាតិ1 day ago
កីឡាករឆ្នើម 5 រូប ដែលមិនត្រូវបានកោះហៅឲ្យចូលក្រុមជម្រើសជាតិបារាំង
-
បាល់ទាត់អន្តរជាតិ2 days ago
Liverpool ប្រកាសពីការចាកចេញរបស់ខ្សែការពារចាស់វស្សា Joel Matip