បាល់ទាត់អន្តរជាតិ
Mateo Messi ស៊ុតគ្រាប់បាល់ដ៏អស្ចារ្យ ដែលឪពុករបស់ខ្លួនកម្រធ្វើបាន
កូនប្រុសទី 2 របស់ Messi គឺ Mateo Messi ថ្មីៗនេះ បានស៊ុតបាល់បញ្ចូលទីយ៉ាងស្រស់ស្អាត ជាមួយនឹងការលោតទាត់បាល់លើអាកាស (Overhead Kick) នៅក្នុងការប្រកួតមួយរបស់ឈុតកុមារនៃក្លឹប Inter Miami។ ដោយឡែកគ្រាប់បាល់បែបនេះ ឪពុករបស់គេ Lionel Messi កម្រធ្វើបានណាស់ នៅក្នុងអាជីពបាល់ទាត់របស់គាត់។
សម្រាប់កីឡាករបាល់ទាត់ដែលស៊ុតបញ្ចូលទីបែបនោះបានល្អមានដូចជា Wayne Rooney, Cristiano Ronaldo, Gareth Bale និងថ្មីៗនេះ Alejandro Garnacho ក៏ធ្វើវាបានយ៉ាងល្អផងដែរ។ យ៉ាងណាមិញបច្ចុប្បន្ន Mateo មានអាយុ 8 ឆ្នាំ ហើយគាត់មានបងប្អូនប្រុស 2 នាក់ទៀត គឺ Thiago អាយុ 11 ឆ្នាំ និង Ciro អាយុ 5 ឆ្នាំ។ កុមារទាំង 2 ក៏កំពុងលេងឲ្យក្រុមបាល់ទាត់ក្មេងៗ ក្នុងប្រភេទអាយុរបស់ពួកគេដែរ។
គួររំលឹកផងដែរថា កាពីតែនក្រុមជម្រើសជាតិអាហ្សង់ទីន Lionel Messi ធ្លាប់បានលើកឡើងថា កូនប្រុសទី 2 របស់គាត់ (Mateo) គឺជាមនុស្សម្នាក់ដែលស្រឡាញ់បាល់ទាត់ជាខ្លាំង។ ទន្ទឹមនឹងនេះដែរ ការបញ្ចេញសមត្ថភាពស៊ុតបញ្ចូលទីរបស់គេកាលពីពេលថ្មីៗនេះ បង្ហាញឲ្យឃើញថា គាត់មានឱកាស អាចដើរតាមអាជីពបាល់ទាត់ដ៏អស្ចារ្យតាមឪពុករបស់ខ្លួនបាន។
ទស្សនាវីដេអូខាងក្រោម៖
ប្រភព: Telecomasia
-
បាល់ទាត់អន្តរជាតិ2 days ago
តើ Real Madrid នឹងប្រើប្រាស់អ្នកចាំទីរូបណា នៅក្នុងការប្រកួតវគ្គផ្ដាច់ព្រ័ត UEFA Champions League?
-
បាល់ទាត់អន្តរជាតិ2 days ago
Pepe នឹងចាកចេញពី Porto មកចូលរួមជាមួយ Barcelona នៅរដូវក្ដៅនេះ!!!
-
បាល់ទាត់អន្តរជាតិ2 days ago
ក្រៅពី Messi និង Ronaldo ឥឡូវ Garnacho ហៅកីឡាកររូបនេះថា ជាកីឡាករល្អបំផុតក្នុងពិភពបាល់ទាត់