បាល់ទាត់អន្តរជាតិ
Choupo-Moting បើកចិត្តក្នុងការចាកចេញទៅចូលរួមជាមួយ Man Unitd
ខ្សែប្រយុទ្ធ Choupo-Moting របស់ក្លឹប Bayern Munich នឹងបើកចិត្តក្នុងការចូលរួមជាមួយក្លឹបបិសាចក្រហម Manchester United នៅក្នុងទីផ្សារដោះដូរកីឡាករខែមករានេះ។ យោងតាមអ្នកកាសែតល្បីឈ្មោះលោក Fabrizio Romano បានឲ្យដឹងថា Choupo-Moting ចង់ចាកចេញមកចូលរួមជាមួយក្លឹបនៅ Premier League។
ទោះជាយ៉ាងណាក៏ដោយ បិសាចក្រហមអាចនឹងពិបាកក្នុងការបញ្ចុះបញ្ចូល Bayern Munich ឲ្យចែកផ្លូវជាមួយកីឡាករសញ្ជាតិកាមេរូនរូបនេះបន្តិច ដោយសារគាត់ជាខ្សែប្រយុទ្ធបម្រុងដ៏ល្អរបស់ពួកគេ។ ដូចកាលពីមុនដែរ Choupo-Moting មិនមែនជាជម្រើសខ្សែប្រយុទ្ធដំបូងរបស់ក្លឹបនោះទេ ប៉ុន្តែគាត់នៅតែមានគុណភាពលេងដែលអាចជំនួសតំណែងកីឡាករសំខាន់របស់ក្រុមបាន ជាពិសេសពេលខ្វះខាតខ្សែប្រយុទ្ធដោយសាររបួស។
ដោយឡែកសម្រាប់លោក Erik ten Hag ដែលជាគ្រូបង្វឹករបស់ Man United មានបំណងចង់ឲ្យក្លឹបចុះហត្ថលេខាលើខ្សែប្រយុទ្ធកណ្តាលថ្មីម្នាក់ទៀត នៅមុនដំណាច់ខែនេះ ហើយ Choupo-Moting ជាកីឡាករដែលពួកគេចង់បាន។ អ្នកកាសែតលោក Fabrizio Romano បាននិយាយប្រាប់ទៅកាន់ GiveMeSport ថា៖ “បាទ! ខ្ញុំគិតថា Choupo-Moting នឹងបើកចិត្តចំពោះរឿងនេះ ដោយចូលរួមជាមួយ Man United។… Bayern Munich ចង់រក្សាទុកគាត់ បើទោះជាពួកគេមាន Harry Kane ក៏ដោយ ព្រោះ Mathys Tel នៅក្មេងណាស់ គាត់ធ្វើបានល្អហើយ ប៉ុន្តែគាត់ពិតជានៅក្មេងខ្លាំង”។
ប្រភព: Dailypost NG
-
បាល់ទាត់អន្តរជាតិ3 days ago
អតីតកីឡាករមួយរូបរបស់ Barcelona បន្លំឲ្យប្អូនភ្លោះរបស់ខ្លួនចូលលេងជំនួស ដើម្បីជួយក្រុម!!!
-
បាល់ទាត់អន្តរជាតិ3 days ago
Man City កំពុងស្វែងរកឱកាសលក់ខ្សែប្រយុទ្ធស្លាប Jack Grealish
-
បាល់ទាត់អន្តរជាតិ2 days ago
Man United កំពុងរៀបចំសំណើរទិញខ្សែប្រយុទ្ធ Ollie Watkins របស់ Aston Villa