បាល់ទាត់អន្តរជាតិ
ក្លឹបមួយនៅ MLS របស់អាមេរិក ត្រៀមចុះហត្ថលេខាលើខ្សែប្រយុទ្ធ Luis Muriel
យោងតាមសេចក្ដីរាយការណ៍របស់អ្នកជំនាញផ្នែកកីឡាបាល់ទាត់លោក Fabrizio Romano បានឲ្យដឹងថា ក្រុមតោកំណាច Orlando City គ្រោងនឹងពង្រឹងតំបន់ប្រយុទ្ធកណ្ដាលរបស់ពួកគេជាមួយនឹងការចុះហត្ថលេខាលើ Luis Muriel នៅខែកុម្ភៈ ខាងមុខនេះ។
ថ្វីត្បិតតែបច្ចុប្បន្នទីផ្សារដោះដូរកីឡាករនៅតំបន់អឺរ៉ុបត្រូវបានបិទទ្វារក៏ដោយ តែទីផ្សារដោះដូរកីឡាករនៅ MLS របស់សហរដ្ឋអាមេរិកនៅតែបើកចំហរនៅឡើយ ហើយ Orlando City ហាក់ដូចជាត្រៀមខ្លួនរួចជាស្រេច ដើម្បីនាំយកកីឡាករចំណូលថ្មីម្នាក់ដ៏មានឥទ្ធិពល គឺអតីតកីឡាករឆ្នើមដែលធ្លាប់លេចធ្លោរខ្លាំងកាលពីប៉ុន្មានឆ្នាំមុន Luis Muriel។
កីឡាករវ័យ 32 ឆ្នាំរូបនេះធ្លាប់មានទម្រង់លេងដ៏អស្ចារ្យ ដោយបានស៊ុតបញ្ចូលទីយ៉ាងច្រើនរដូវកាលនៅក្នុងប្រទេសអ៊ីតាលី សម្រាប់ក្លឹបរបស់ខ្លួន Atalanta BC។ ប៉ុន្តែស្របពេលដែលមានវ័យកាន់តែច្រើនផងដែរនោះ នៅរយៈពេលប៉ុន្មានឆ្នាំចុងក្រោយនេះ Luis Muriel ធ្លាក់ចុះនូវទម្រង់លេងជាខ្លាំង។ គាត់ស៊ុតបញ្ចូលទីបានតែ 3 គ្រាប់ប៉ុណ្ណោះ ក្នុងការបង្ហាញខ្លួន 29 ប្រកួត នៅលីគកំពូលក្នុងឆ្នាំ 2022-2023 ហើយគាត់កំពុងត្រៀមចំណាយពេលវេលាចុងក្រោយនៃអាជីពបាល់ទាត់របស់ខ្លួននៅសហរដ្ឋអាមេរិក។
ប្រភព: GOAL
-
បាល់ទាត់អន្តរជាតិ3 days ago
Man City កំពុងស្វែងរកឱកាសលក់ខ្សែប្រយុទ្ធស្លាប Jack Grealish
-
បាល់ទាត់អន្តរជាតិ2 days ago
Man United កំពុងរៀបចំសំណើរទិញខ្សែប្រយុទ្ធ Ollie Watkins របស់ Aston Villa
-
បាល់ទាត់អន្តរជាតិ2 days ago
Aston Villa ដណ្ដើមបានកៅអីលេង UEFA Champions League ជាលើកដំបូង ក្រោយខកខានតាំងពីឆ្នាំ 1983 មក