បាល់ទាត់អន្តរជាតិ
តោខៀវ Chelsea និង Barcelona កំពុងចាប់អារម្មណ៍ចង់បានគ្រូបង្វឹករបស់ Girona មកដឹកនាំក្រុមរបស់ខ្លួន
ក្លឹបតោខៀវ Chelsea និង Barcelona ត្រូវបានគេរាយការណ៍ថា បានពេញចិត្តជាមួយនឹងគ្រូបង្វឹករបស់ក្លឹប Girona គឺលោក Michel ហើយពួកគេត្រៀមនឹងចរចាដើម្បីបញ្ចុះបញ្ចូលបុរសសញ្ជាតិអេស្ប៉ាញរូបនេះឲ្យចូលរួមទៅដឹកនាំក្រុមរបស់ខ្លួន នាចុងបញ្ចប់នៃរដូវកាលឆាប់ៗខាងមុខនេះ។
យ៉ាងណាមិញនៅពេលនេះ អនាគតរបស់គ្រូបង្វឹកឆ្នើមវ័យ 48 ឆ្នាំរូបនេះ កំពុងស្ថិតក្នុងភាពមិនច្បាស់លាស់ ខណៈដែលគេមិនទាន់ដឹងថា តើ Michel នឹងព្រមព្រៀងដើម្បីទៅ Stamford Bridge រឺ Camp Nou។ យ៉ាងណាមិញ Michel បានចូលមកកាន់កាប់តំណែងជាគ្រូបង្វឹករបស់ Girona កាលពីរដូវក្តៅឆ្នាំ 2021 ប៉ុន្តែបច្ចុប្បន្ន គាត់បានក្លាយជាគ្រូបង្វឹកដ៏លេចធ្លោរ ដោយជួយឲ្យក្រុមរបស់ខ្លួនតាមប្រជែងតំណែងកំពូលតារាងជាមួយ Real Madrid នៅក្នុងក្របខណ្ឌ La Liga។
ទោះជាយ៉ាងណាក៏ដោយ Girona នៅមានកុងត្រាលើលោក Michel ជាមួយនឹងសុពលភាពរហូតដល់ចុងបញ្ចប់នៃរដូវកាលឆ្នាំ 2025-2026 ប៉ុន្តែបើយោងទៅតាមរបាយការណ៍ពី El Chiringuito បានឲ្យដឹងថា គ្រូបង្វឹកឆ្នើមរូបនេះកំពុងស្ថិតក្នុងស្ថានភាពដែលអាចចាកចេញទៅដឹកនាំក្លឹបថ្មីមួយរវាង Barcelona និងតោខៀវ Chelsea នាពាក់កណ្ដាលឆ្នាំនេះ។
ប្រភព: Sportsmole