បាល់ទាត់អន្តរជាតិ
Marseille ប្រកាសបណ្ដេញគ្រូបង្វឹកលោក Gennaro Gattuso ចេញពីតំណែង
នៅមុននេះបន្តិចក្លឹប Marseille បានប្រកាសនៅលើគេហទំព័រផ្លូវការណ៍របស់ខ្លួនថា ពួកគេបានបណ្ដេញគ្រូបង្វឹកសញ្ជាតិអ៊ីតាលីគឺលោក Gennaro Gattuso ចេញពីតំណែងហើយ។ បុរសវ័យ 46 ឆ្នាំរូបនេះ មិនសូវជោគជ័យឡើយ ក្នុងអាជីពជាគ្រូបង្វឹក ដោយក្នុងរយៈពេល 7 ឆ្នាំ គាត់ដឹកនាំរហូតដល់ 4 ក្លឹបផ្សេងៗគ្នា។
យ៉ាងណាមិញលោក Gennaro Gattuso បានចូលមកដឹកនាំក្លឹប Marseille នៅថ្ងៃទី 27 ខែកញ្ញា ឆ្នាំ 2023 ហើយបានដឹកនាំក្រុមសរុបចំនួន 24 ប្រកួត។ ក្នុងចំណោមប្រកួតសរុបទាំងនោះ Gennaro Gattuso បានដឹកនាំ Marseille ឲ្យទទួលបានជ័យជំនះ 9 ដង ស្មើ 8 និងចាញ់ 7 ដង។
បច្ចុប្បន្នក្នុងចំណាត់ថ្នាក់នៃតារាង Ligue 1 ក្លឹប Marseille កំពុងឈរនៅលេខរៀងទី 9 ដែលនេះមិនមែនជាស្ថិតិដ៏ល្អរបស់ពួកគេឡើយ។ ក្រោយការបណ្ដេញលោក Gennaro Gattuso ចេញពីតំណែង ក្លឹបមិនទាន់បានប្រកាសពីបេក្ខភាពនៃគ្រូបង្វឹកថ្មីឡើយ តែតាមរបាយការណ៍ជាច្រើនបានលើកឡើងថា ក្លឹបយក្សបារាំងមួយនេះនឹងតែងតាំងលោក Jean-Louis Gasset ដែលជាគ្រូបង្វឹកក្រុមជម្រើសជាតិកូតឌីវ័រមកដឹកនាំបន្ត។
ប្រភព: Dailysports
-
បាល់ទាត់អន្តរជាតិ2 days ago
ជាប់ពិន័យមិនឲ្យលេងបាល់ទាត់ ពេលនេះ Paul Pogba ត្រៀមបង្ហាញខ្លួនក្នុងខ្សែភាពយន្តថ្មីមួយ
-
បាល់ទាត់អន្តរជាតិ3 days ago
Cole Palmer ក្លាយជាកីឡាករវ័យក្មេងទី 3 ក្នុងប្រវត្តិសាស្ត្រ Premier League ដែលស៊ុតបញ្ចូលទីបានច្រើនជាង 20 គ្រាប់ក្នុងមួយរដូវកាល
-
បាល់ទាត់អន្តរជាតិ11 hours ago
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត