បាល់ទាត់អន្តរជាតិ
Kimmich មានជម្លោះតឹងសរសៃក ជាមួយជំនួយការរបស់ Thomas Tuchel និងកំពុងចង់ចាកចេញពីក្លឹប
ការដឹកនាំរបស់លោក Thomas Tuchel នៅក្លឹប Bayern Munich បានបន្តបង្កើតរឿងរ៉ាវមិនល្អកាន់តែខ្លាំងជាមួយកូនក្រុមរបស់ខ្លួន។ យោងទៅតាមសេចក្ដីរាយការណ៍របស់ Bild បានឲ្យដឹងថា ខ្សែបម្រើ Joshua Kimmich ថ្មីៗនេះបានកើតមានជម្លោះជាមួយជំនួយការម្នាក់របស់ Tuchel គឺលោក Jolt Low បន្ទាប់ពីការប្រកួតដែលពួកគេចាញ់ Bochum 2-3 ហើយការឈ្លោះប្រកែកគ្នាកាន់តែខ្លាំងឡើង រហូតឈានដល់ការប្រឈមមុខដាក់គ្នាយ៉ាងតឹងសរសៃក។
មានសេចក្តីរាយការណ៍ជាច្រើនបានឲ្យដឹងថា ការខឹងសម្បាររបស់ Kimmich កើតចេញពីការខ្វះជំនឿទុកចិត្តលើគ្រូបង្វឹករបស់ខ្លួន ដោយសារតែ Tuchel ចង់ទិញខ្សែបម្រើការពារដែលនឹងមកជំនួសកន្លែងរបស់ខ្លួន។ ដោយឡែក កាលពីប្រកួតមុនទល់នឹង Bayer Leverkusen ដែលពួកគេបានរងបរាជ័យ 0-3 ក៏បានធ្វើឲ្យ Kimmich ខកចិត្តខ្លាំងផងដែរ ដោយកីឡាករសញ្ជាតិអាឡឺម៉ង់រូបនេះ ត្រូវបាន Tuchel ដាក់ឲ្យអង្គុយនៅកៅអីបម្រុង ហើយប្រើប្រាស់ Pavlovic និង Goretzka ជាជម្រើសដំបូង។
គួររំលឹកផងដែរថា ក្រោមការដឹកនាំរបស់គ្រូបង្វឹកមុនគឺលោក Julian Nagelsmann ខ្សែបម្រើឆ្នើម Joshua Kimmich គឺជាតួអង្គដ៏សំខាន់សម្រាប់ក្រុម ប៉ុន្តែក្រោមការដឹកនាំរបស់ Tuchel គាត់ហាក់ដូចជាបាត់បង់ពេលវេលាប្រកួត ហើយហាក់មិនចុះសម្រុងគ្នាជាមួយគ្រូបង្វឹករូបនេះផងដែរ។ ដូច្នេះហើយ Joshua Kimmich ពិតជានឹងកំពុងពិចារណាពីលទ្ធភាពនៃការចាកចេញពីក្រុមនៅចុងបញ្ចប់នៃរដូវកាលនេះ។
ប្រភព: Dailysports
-
បាល់ទាត់អន្តរជាតិ2 days ago
Chelsea ត្រៀមបើកច្រកផ្លូវឲ្យកីឡាករដែលមានប្រាក់ខែខ្ពស់មួយរូបចាកចេញ នៅរដូវក្ដៅនេះ
-
បាល់ទាត់អន្តរជាតិ3 days ago
PSG ត្រៀមចាយលុយ 100 លានអឺរ៉ូ ដើម្បីចុះហត្ថលេខាលើខ្សែការពាររបស់ក្លឹប Benfica
-
បាល់ទាត់អន្តរជាតិ3 days ago
Man United និង Arsenal បរាជ័យក្នុងការចុះហត្ថលេខាលើខ្សែប្រយុទ្ធឆ្នើមមួយរូបរបស់ក្លឹប Inter Milan