បាល់ទាត់អន្តរជាតិ
Cole Palmer ក្លាយជាកីឡាករវ័យក្មេងទី 3 ក្នុងប្រវត្តិសាស្ត្រ Premier League ដែលស៊ុតបញ្ចូលទីបានច្រើនជាង 20 គ្រាប់ក្នុងមួយរដូវកាល
នៅនាទីទី 15 នៃការប្រកួតជុំទី 36 រវាងតោខៀវ Chelsea និង West Ham ក្នុងក្របខ័ណ្ឌ Premier League (EPL) ដែលបញ្ចប់ទៅដោយលទ្ធផល 5-0 ខ្សែប្រយុទ្ធស្លាប Cole Palmer បានស៊ុតបញ្ចូលទី ដែលជាគ្រាប់បាល់ទី 21 របស់គាត់ក្នុងរដូវកាលនេះសម្រាប់លីគកំពូលរបស់អង់គ្លេស។
សមិទ្ធិផលនេះដែរ Cole Palmer បានក្លាយជាកីឡាករវ័យក្មេងទី 3 ក្នុងប្រវត្តិសាស្ត្រ Premier League ដែលស៊ុតបញ្ចូលទីបានច្រើនជាង 20 គ្រាប់ក្នុងមួយរដូវកាល។ ពីមុនកំណត់ត្រានេះធ្លាប់ធ្វើបានដោយខ្សែប្រយុទ្ធរបស់ហង្សក្រហម Liverpool គឺកីឡាករ Robbie Fowler ក្នុងរដូវកាល 1994/1995 និង 1995/1996 និងខ្សែប្រយុទ្ធ Chris Sutton ក្នុងរដូវកាលឆ្នាំ 1993/1994។
ខណៈដែលរដូវកាលបច្ចុប្បន្នមិនទាន់បិទបញ្ចប់នៅឡើយ កីឡាករវ័យ 21 ឆ្នាំ Cole Palmer ស៊ុតបញ្ចូលទីសរុបសម្រាប់តោខៀវ Chelsea បាន 26 គ្រាប់ ក្នុងការបង្ហាញខ្លួន 45 ប្រកួតនៅគ្រប់ព្រឹត្តិការណ៍ប្រកួតទាំងអស់របស់ក្លឹប។ កុងត្រារបស់គាត់ជាមួយ Chelsea មានសុពលភាពរហូតដល់រដូវក្តៅឆ្នាំ 2030។
ប្រភព: Telecomasia
-
បាល់ទាត់អន្តរជាតិ3 days ago
UEFA ស្នើរឲ្យប្រធានក្លឹប Man City លក់ភាគហ៊ុនចេញ ដើម្បីឲ្យ Girona អាចមានសិទ្ធិលេង UCL បាននៅរដូវកាលក្រោយ
-
បាល់ទាត់អន្តរជាតិ3 days ago
ខ្សែប្រយុទ្ធឆ្នើមរបស់ឥណ្ឌា Sunil Chhetri ប្រកាសចូលនិវត្តន៍ពីបាល់ទាត់
-
បាល់ទាត់អន្តរជាតិ2 days ago
Robin van Persie ក្លាយជាគ្រូបង្វឹករបស់ក្លឹប Heerenveen នៅលីគកំពូលហូឡង់