បាល់ទាត់អន្តរជាតិ
Ansu Fati អស់ឱកាសវិលត្រឡប់មក Barcelona វិញ បន្ទាប់ពីមិនអាចស្ដារទម្រង់លេងរបស់ខ្លួនបាន
ក្លឹបអ្នកមានបុណ្យ Barcelona បានសម្រេចចិត្តហើយថា នឹងមិនយកខ្សែប្រយុទ្ធស្លាប Ansu Fati ត្រឡប់មកវិញឡើយ និងចាត់ទុកខ្សែប្រយុទ្ធសញ្ជាតិអេស្ប៉ាញរូបនេះមិនមែនជាផ្នែកមួយនៃផែនការអនាគតរបស់ក្លឹបនាពេលអនាគតទេ (នេះបើយោងតាមសេចក្ដីរាយការណ៍ដោយ Sport.es)។
បច្ចុប្បន្ន Ansu Fati កំពុងខ្ចីជើងនៅ Brighton ហើយក្លឹបរបស់អង់គ្លេសមួយនេះ ក៏មិនមានបំណងទិញផ្ដាច់កុងត្រារបស់កីឡាករវ័យ 21 រូបនេះដែរ។ ដូច្នេះហើយ Ansu Fati នឹងត្រូវរៀបចំខ្លួនដើម្បីត្រឡប់ទៅ Barcelona វិញបន្ទាប់ពីភារកិច្ច និងកុងត្រានៃការខ្ចីជើងបញ្ចប់ទៅនៅចុងរដូវកាលខាងមុខនេះ។
ទោះជាយ៉ាងណាក៏ដោយ ថ្នាក់ដឹកនាំរបស់ក្លឹប Barcelona បានបញ្ជាក់ថា នឹងគ្មានកន្លែងសម្រាប់ Ansu Fati ឡើយ។ ក្លឹប Barcelona ត្រៀមលក់កីឡាកររូបនេះនៅក្នុងទីផ្សារដោះដូរកីឡាកររដូវក្ដៅខាងមុខ ប៉ុន្តែពួកគេត្រូវការបញ្ចុះតម្លៃខ្លួនគាត់ឲ្យនៅតិចតួចបំផុត បើទោះបីជាកុងត្រារបស់គាត់នៅមានសុពលភាពរហូតដល់រដូវក្តៅឆ្នាំ 2027 ក៏ដោយ។
ប្រភព: Dailysports
Erling Haaland ស៊ុត 4 គ្រាប់ម្នាក់ឯង ក្នុងជំនួបទល់នឹង Wolverhampton (មានវីដេអូ)
Thomas Tuchel បើកចិត្តក្នុងការចង់មកដឹកនាំនៅបិសាចក្រហម
Thiago Silva សម្រេចចិត្តវិលត្រឡប់ទៅលេងនៅប្រទេសកំណើតរបស់ខ្លួនវិញ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
