បាល់ទាត់អន្តរជាតិ
អតីតអ្នកចាំទីក្រុមជម្រើសជាតិអាហ្សង់ទីនមួយរូប ត្រូវបានពិន័យមិនឲ្យចូលលេង 11 ប្រកួត
អតីតអ្នកចាំទីក្រុមជម្រើសជាតិអាហ្សង់ទីន Nahuel Guzman ដែលបច្ចុប្បន្នលេងឲ្យក្លឹប Tigres UANL ក្នុងប្រទេសម៉ិកស៊ិកូ បានប្រឈមមុខនឹងការពិន័យយ៉ាងធ្ងន់ធ្ងរ ដោយមិនអាចចូលលេងជាច្រើនប្រកួត។
អ្នកចាំទី Nahuel Guzman បានខកខានការប្រកួតដ៏សំខាន់ទល់នឹងក្រុម Monterrey ដែលបញ្ចប់ទៅដោយលទ្ធផល 3-3 ដោយសារតែមានរបួសបន្តិចបន្តួច។ យ៉ាងណា គាត់បានមកទស្សនាការប្រកួត អង្គុយក្នុងនាមដូចជាអ្នកទស្សនាដែរ។ ក្នុងអំឡុងពេលប្រកួត អ្នកចាំទីរូបនេះបានប្រើពិលឡាស៊ែរ ដើម្បីចាំងនៅលើមុខកីឡាកររបស់ក្លឹប Monterrey។
ក្រោយមក នៅពេលពិនិត្យដោយបញ្ជាក់ភស្ដុតាងច្បាស់លាស់ សហព័ន្ធបាល់ទាត់ប្រចាំលីគកំពូល Liga MX បានសម្រេចដាក់ពិន័យ Guzman សម្រាប់ការប្រកួតដែលនៅសល់នៃរដូវកាលនេះ ដែលស្មើនឹង 11 ប្រកួត។ លើសពីនេះទៀត អ្នកចាំទីវ័យ 38 ឆ្នាំរូបនេះ នឹងត្រូវបង់ប្រាក់ពិន័យមួយចំនួនទៀតផងដែរ។
ប្រភព: Dailysports