បាល់ទាត់អន្តរជាតិ
AC Milan ចង់ចុះហត្ថលេខាលើខ្សែប្រយុទ្ធឆ្នើម Ollie Watkins
![](https://x-sportkh.com/wp-content/uploads/2024/05/article-003689-1.jpg)
ក្លឹប AC Milan កំពុងធ្វើការយ៉ាងសកម្ម ដើម្បីស្វែងរកជម្រើសខ្សែប្រយុទ្ធមកជំនួសកន្លែងរបស់ Olivier Giroud ដែលនឹងចាកចេញពីក្លឹបរបស់ខ្លួននៅរដូវក្តៅនេះ។ ខ្សែប្រយុទ្ធកំពូលម្នាក់ក្នុងក្របខណ្ឌ Premier League គឺ Ollie Watkins របស់ Aston Villa ត្រូវបានទាក់ទាញចំណាប់អារម្មណ៍របស់ក្លឹបយក្សអ៊ីតាលីមួយនេះជាខ្លាំង (យោងតាមសេចក្ដីរាយការណ៍ដោយ Calciomercato.it)។
ទោះជាយ៉ាងណាក៏ដោយ ក្លឹបកាំភ្លើងធំ Arsenal ក៏ចាប់អារម្មណ៍លើកីឡាកររូបនេះផងដែរ។ ស្របពេលជាមួយគ្នានោះ គេបានដឹងតម្លៃបង្ហើប សម្រាប់កីឡាករសញ្ជាតិអង់គ្លេសរូបនេះ គឺជិត 80 លានអឺរ៉ូ។ តម្លៃនេះទំនងជាមិនអាចឲ្យ AC Milan ហ៊ានចំណាយនោះទេ ប៉ុន្តែបើសម្រាប់ Arsenal ប្រហែលជាអាចទៅរួច។
គួរដឹងផងដែរថា ខ្សែប្រយុទ្ធវ័យ 28 ឆ្នាំរូបនេះទើបតែបានចុះកុងត្រាថ្មីជាមួយ Aston Villa ដែលមានសុពលភាពដល់ខែមិថុនា ឆ្នាំ 2028 ជាហេតុធ្វើឲ្យតម្លៃខ្លួនរបស់គាត់កាន់តែថ្លៃ។ ជាមួយនឹងការស៊ុតបញ្ចូលទីបាន 19 គ្រាប់ Ollie Watkins បានជាប់ចំណាត់ថ្នាក់លេខ 3 ក្នុងបញ្ជីកីឡាករដែលស៊ុតបញ្ចូលទីច្រើនជាងគេនៅ Premier League រដូវកាលនេះ ដោយតិចជាងតែកីឡាករ 2 នាក់ប៉ុណ្ណោះគឺ Erling Haaland (21 គ្រាប់) និង Cole Palmer (20 គ្រាប់)។
ប្រភព: Dailysports
-
បាល់ទាត់អន្តរជាតិ5 days ago
Man City ចង់ចុះហត្ថលេខានាំយកខ្សែប្រយុទ្ធស្លាប Jadon Sancho ត្រឡប់ទៅវិញ
-
បាល់ទាត់អន្តរជាតិ5 days ago
Kepa បដិសេធសំណើរពីក្លឹបផ្សេងៗ ដើម្បីរងចាំឱកាសនៅជាមួយ Real Madrid
-
បាល់ទាត់អន្តរជាតិ4 days ago
ហេតុការណ៍បាក់ស្រុតដីដ៏រន្ធត់មួយបានកើតឡើងនៅលើទីលានបាល់ទាត់ ក្នុងសហរដ្ឋអាមេរិក