Barcelona ត្រៀម​ប្រកាស​ខ្សែការពារ Christensen ជា​កីឡាករ​ចំណូល​ថ្មី​នៅ​រយៈពេល​ប៉ុន្មាន​សប្ដាហ៍​ខាងមុខ

កាល​ពី​ម្សិល​មិញ​នេះ ទំព័រ​ផ្លូវការណ៍​របស់​ក្លឹប​តោខៀវ Chealsea បាន​ប្រកាស​ពី​ការ​ចាកចេញ​របស់​ខ្សែការពារ Andreas Christensen ដែល​បាន​ចាកចេញ​ពី​ក្លឹប​ក្នុង​នាម​ជា​កីឡាករ​ដែល​ផុតកុងត្រា។

ពេល​នេះ Andreas Christensen គឺ​ជា​កីឡាករ​ដែល​គ្មាន​តម្លៃ​ខ្លួន ខណៈ​ដែល​ក្លឹប Barcelona បាន​និយាយ​ពី​ការ​ចុះ​កុងត្រា​រួចរាល់​អស់​ហើយ​សម្រាប់​គាត់ និង​ត្រៀម​តែ​ថ្ងៃ​ប្រកាស​ជា​ផ្លូវការណ៍​តែ​ប៉ុណ្ណោះ។

ខ្សែ​ការពារ​សញ្ជាតិ​ដាណឺម៉ាក Andreas Christensen ត្រូវ​បាន​អ្នក​គាំទ្រ​ជា​ច្រើន​គិត​ថា គឺ​ជា​ខ្សែការពារ​កណ្ដាល​ដ៏​សាកសម​បំផុត ក្នុង​ការ​លេង​ចាប់​ដៃ​គូ​គ្នា​ជា​មួយ​នឹង Ronald Araujo រឺ Eric Garcia ស្រប​ពេល​ដែល Gerard Pique កំពុង​មាន​វ័យ 35 ឆ្នាំ​ទៅ​ហើយ​នោះ។

ប្រភព: Fabrizio Romano