បាល់ទាត់អន្តរជាតិ
West Ham ត្រៀមចុះហត្ថលេខាផ្ទេរខ្សែប្រយុទ្ធ Armando Broja របស់ក្លឹបតោខៀវ Chelsea
កាលពីពេលថ្មីៗនេះ មានរបាយការណ៍ច្បាស់ការមួយពីលោក Fabrizio Romano បានឲ្យដឹងថា ក្លឹបញញួរធំ West Ham ជិតឈានដល់កិច្ចព្រមព្រៀងជាមួយក្លឹបតោខៀវ Chelsea ហើយ សម្រាប់ការផ្ទេរខ្សែប្រយុទ្ធ Armando Broja។
ដោយឡែកកីឡាករវ័យ 20 ឆ្នាំរូបនេះ មិនបានបង្ហាញខ្លួនក្នុងការប្រកួតមិត្តភាពរបស់ក្លឹបតោខៀវ Chelsea ទល់នឹង Club America នៅទីក្រុង Las Vegas កាលពីថ្ងៃសៅរ៍សប្ដាហ៍មុននេះទេ ហើយត្រូវបានគេសន្និដ្ឋានថា គាត់កំពុងដំណើរការពិភាក្សាការផ្ទេរទៅក្លឹបថ្មី។
មានក្លឹបផ្សេងៗជាច្រើនចង់បាន Broja ដូចជា Everton, Newcastle និង Southampton ប៉ុន្តែក្លឹប West Ham គឺជាក្លឹបដែលមានភាគរយខ្ពស់បំផុត ក្នុងការចុះហត្ថលេខាលើខ្សែប្រយុទ្ធសញ្ជាតិអាល់បានីរូបនេះ ហើយសាមីខ្លួនរបស់កីឡាករផ្ទាល់ក៏ពេញចិត្តនឹងការផ្ទេរទៅ West Ham ផងដែរ។
យ៉ាងណាមិញ នៅក្នុងកិច្ចព្រមព្រៀងផ្ទេរផ្ដាច់កុងត្រានេះ ត្រូវបានគេបង្ហើបឲ្យដឹងថា នឹងមានតម្លៃ 25 លានផោន បូករួមជាមួយនឹងការបន្ថែមផ្សេងៗទៀតដែលក្លឹបទាំងពីរបានដាក់លក្ខខណ្ឌចំពោះគ្នា។
ប្រភព: 90 Min
Wow 🤩 ក្រុមបាល់ទាត់ហ្វូតសាលកម្ពុជានៅជប៉ុន🇰🇭🇯🇵 បានចូលរួមក្នុងកម្មវិធី Go Japan Spring Cup 2026 ៕
X-SPORT រីករាយក្នុងការចូលរួមជាផ្នែកមួយជួយផ្សព្វផ្សាយពីកម្មវិធីនេះ…❤️🥰
ចែករំលែកក្ដីស្រលាញ់ តាមរយៈការប្រកួតបាល់ទាត់សប្បុរសធម៌ អង្គការផ្កាយសមុទ្រ ២០២៥
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
