បាល់ទាត់អន្តរជាតិ
ក្លឹបធំៗពីរនៅអង់គ្លេស កំពុងឆាប់អារម្មណ៍លើ Bastoni ខណៈដែល Inter Milan បដិសេធមិនលក់កីឡាកររូបនេះឡើយ
ក្លឹបយក្សនៅអ៊ីតាលី Inter Milan នឹងបដិសេធមិនលក់ Alessandro Bastoni ក្នុងអំឡុងពេលទីផ្សារដោះដូរកីឡាករនាខែមករាខាងមុខនេះទេ បើទោះបីជាមានក្លឹបមួយចំនួនចាប់អារម្មណ៍លើការផ្ទេរកីឡាកររូបនេះក៏ដោយ នេះបើយោងតាមរបាយការណ៍ពីលោក Fabrizio Romano។
អនាគតរបស់កីឡាករវ័យ 23 ឆ្នាំរូបនេះ កំពុងក្លាយជាប្រធានបទនៃភាពស្រពេចស្រពិល ខណៈដែលក្លឹបមាន់ខ្នាយមាស Tottenham Hotspur បានប្តេជ្ញាថា ពួកគេនឹងនាំយកខ្សែការពាររូបនេះទៅកាន់ Premier League ឲ្យបាន។
ទន្ទឹមនឹងនេះដែរ ក៏មានការលើកឡើងផ្សេងទៀតនិយាយពីការចាប់អារម្មណ៍របស់ក្លឹបបិសាចក្រហម Manchester United ដោយលោក Erik ten Hag ជាគ្រូបង្វឹក បានកោតសរសើរ និងពេញចិត្តចំពោះកីឡាករសញ្ជាតិអ៊ីតាលីរូបនេះជាខ្លាំងផងដែរ។
ខ្សែការពារកណ្តាល Alessandro Bastoni ត្រូវបានផ្សារភ្ជាប់យ៉ាងខ្លាំង ក្នុងការចាកចេញនៅខែមករាឆ្នាំក្រោយ ទៅកាន់ក្របខ័ណ្ឌ Premier League របស់អង់គ្លេស។ ប៉ុន្តែ Inter Milan បានឈរលើគោលជំហរយ៉ាងរឹងមាំ ដោយមិនអនុញ្ញាតឲ្យគាត់ចាកចេញនៅពាក់កណ្តាលនៃរដូវកាលបែបនេះនោះទេ។ បច្ចុប្បន្នតម្លៃនៃការផ្ទេរចេញរបស់ Alessandro Bastoni នឹងមានចំនួនទឹកប្រាក់ច្រើនជាង 50 លានអឺរ៉ូ។
ប្រភព: Sportsmole
Marcelo ប្រកាសចូលនិវត្តន៍ពីបាល់ទាត់ ក្នុងវ័យ ៣៦ឆ្នាំ
Mathys Tel បដិសេធ Man Utd និង Arsenal ទៅចូលរួមជាមួយ Spur
មានរបស់ល្អមិនចេះប្រើ Chelsea យល់ព្រមឱ្យ AC Milan ខ្ចីជើង Joao Felix!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
