បាល់ទាត់អន្តរជាតិ
Real Madrid ចាប់អារម្មណ៍ផ្ទេរ ខ្សែប្រយុទ្ធស្លាប Alejandro Garnacho
ក្លឹបអធិរាជស Real Madrid ស្ថិតក្នុងចំណោមក្លឹបដែលកំពុងតាមដានពីស្ថានភាពរបស់ខ្សែប្រយុទ្ធស្លាប Alejandro Garnacho របស់ក្លឹបបិសាចក្រហម Manchester United ខណៈដែលខ្សែប្រយុទ្ធសញ្ជាតិអាហ្សង់ទីនវ័យ 18 ឆ្នាំរូបនេះ កំពុងចាប់ផ្ដើមមានទម្រង់លេងលេចធ្លោរនៅ Old Trafford រដូវកាលនេះ។
Alejandro Garnacho ស៊ុតបញ្ចូលទីបាន 2 គ្រាប់ និង Assists បាន 2 ដង ក្នុងការបង្ហាញខ្លួនចំនួន 8 ប្រកួតសម្រាប់ក្លឹបបិសាចក្រហមរដូវកាលឆ្នាំ 2022-2023។ លើសពីនេះទៅទៀត ខ្សែប្រយុទ្ធស្លាបវ័យក្មេងរូបនេះ រកបានគ្រាប់បាល់ជ័យជម្នះដ៏គួរឲ្យចងចាំក្នុងជ័យជម្នះ 2-1 របស់ Manchester United ទៅលើ Fulham ក្នុងការប្រកួតចុងក្រោយរបស់ពួកគេមុនព្រឹត្តិការណ៍ FIFA World Cup ឆ្នាំ 2022 មកដល់។
ទន្ទឹមជាមួយនឹងទម្រង់លេងដ៏ល្អនេះដែរ Garnacho នឹងផុតកុងត្រាជាមួយក្លឹបបិសាចក្រហមនៅពាក់កណ្ដាលឆ្នាំនេះហើយ។ ខណៈដែលកុងត្រាជិតផុតកំណត់នេះដែរ មានក្លឹបជាច្រើនចាប់អារម្មណ៍ចង់ចុះហត្ថលេខាលើ Alejandro Garnacho រួមទាំង Real Madrid ផងដែរ។
យោងតាមរបាយការណ៍ពី Relevo បានឲ្យដឹងថា ក្លឹបអធិរាជស Real Madrid ចាប់អារម្មណ៍លើខ្សែប្រយុទ្ធស្លាប Alejandro Garnacho ហើយកីឡាកររូបនេះក៏ពេញចិត្តក្នុងការផ្លាស់ទៅលេងជាមួយក្លឹបយក្សនៅ La Liga ផងដែរ។
គួរសម្គាល់ផងដែរថា យុទ្ធសាស្ត្រផ្ទេរកីឡាករបច្ចុប្បន្ន របស់ប្រធានក្លឹប Real Madrid លោក Florentino Perez គឺព្យាយាមនាំយកកីឡាករវ័យក្មេងដែលមានទេពកោសល្យខ្ពស់ ដែលអាចរួមដំណើរវែងឆ្ងាយជាមួយគម្រោងរបស់ក្លឹប។
ប្រភព: Sportskeeda
-
បាល់ទាត់អន្តរជាតិ1 day ago
ជាប់ពិន័យមិនឲ្យលេងបាល់ទាត់ ពេលនេះ Paul Pogba ត្រៀមបង្ហាញខ្លួនក្នុងខ្សែភាពយន្តថ្មីមួយ
-
បាល់ទាត់អន្តរជាតិ3 days ago
Cole Palmer ក្លាយជាកីឡាករវ័យក្មេងទី 3 ក្នុងប្រវត្តិសាស្ត្រ Premier League ដែលស៊ុតបញ្ចូលទីបានច្រើនជាង 20 គ្រាប់ក្នុងមួយរដូវកាល
-
បាល់ទាត់អន្តរជាតិ8 hours ago
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត