គ្រូ Arsenal បញ្ជាក់​ថា ក្រុម​របស់​លោក​នឹង​ចុះ​ហត្ថលេខា​លើ​ខ្សែ​ប្រយុទ្ធ​កណ្ដាល​ម្នាក់​ទៀត នៅ​ដើម​ឆ្នាំ​នេះ

លោក Mikel Arteta ដែល​ជា​អ្នក​ចាត់ការ​ទូទៅ​របស់​ក្លឹប​កាំភ្លើងធំ Arsenal បាន​បង្ហើប​ឲ្យ​ដឹង​ថា ក្រុម​របស់​លោក​កំពុង​ត្រូវ​ការ​ការ​ពង្រឹង​នៅ​តំបន់​ប្រយុទ្ធ​បន្ថែម​ទៀត និង​ព្យាយាម​ចុះ​ហត្ថលេខា​លើ​កីឡាករ​ចំណូល​ថ្មី​ក្នុង​អំឡុង​ពេល​ទីផ្សារ​ដោះដូរ​កីឡាករ​ខែ​មករា​នេះ។

យ៉ាង​ណា​មិញ​ក្លឹប​កាំភ្លើង​ធំ Arsenal បច្ចុប្បន្ន​កំពុង​ដំណើរ​នៃ​ការ​ប្រកួត​របស់​ខ្លួន​ដោយ​មិន​មាន​វត្តមាន​របស់ Gabriel Jesus សម្រាប់​រយៈពេល​ប៉ុន្មាន​ខែ​កន្លង​មក ដោយ​សារ​ការ​វះកាត់​ព្យាបាល់​ជង្គង់ ហើយ​ពួក​គេ​ត្រូវ​បង្ខំ​ចិត្ត​​ប្រើប្រាស់ Eddie Nketiah នៅ​តំបន់​ប្រយុទ្ធ​កណ្ដាល​ជំនួស​វិញ។

ប៉ុន្មាន​ខែ​ចុងក្រោយ​នេះ មាន​ខ្សែ​ប្រយុទ្ធ​ជា​ច្រើន​រូប​ត្រូវ​បាន​ផ្សារ​ភ្ជាប់​ជា​មួយ​នឹង​ការ​ផ្ទេរ​មក​កាន់​ទឹកដី Emirates Stadium ប៉ុន្តែ​គ្រប់​យ៉ាង​គ្រាន់​តែ​ជា​ពាក្យ​ចចាម​អារ៉ាម​តែ​ប៉ុណ្ណោះ។ ទោះ​ជា​យ៉ាង​ណា​ក៏​ដោយ ថ្មីៗ​នេះ​លោក Mikel Arteta បាន​ប្រាប់​ជា​សាធារណៈ​ថា ថ្វី​ត្បិត​តែ Eddie Nketiah អាច​រ៉ាប់រង​នៅ​តំបន់​ប្រយុទ្ធ​បាន ប៉ុន្តែ​លោក​ត្រូវ​ការ​ខ្សែ​ប្រយុទ្ធ​ចំណូល​ថ្មី​ដែល​មានគុណភាព​ម្នាក់​ទៀត​នៅ​ខែ​មករា​នេះ ដើម្បី​ជួយ​ក្រុម​នៅ​តំបន់​ប្រយុទ្ធ។

ប្រភព: Sportsmole