Manchester United នឹង​ព្យាយាម​ចុះ​ហត្ថលេខា​លើ Richarlison ប្រសិន​បើ​ពួក​គេ​មិន​អាច​ទទួល​បាន Darwin Nunez

ក្លឹប​បិសាចក្រហម Manchester United ត្រូវ​បាន​គេ​រាយការណ៍​ថា កំពុង​សម្លឹង​មើល​ខ្សែ​ប្រយុទ្ធ Richarlison របស់​ក្លឹប​ស្ករគ្រាប់ Everton ជាជម្រើស​បន្ទាប់ ប្រសិន​បើ​ពួក​គេ​មិន​អាច​ចុះ​ហត្ថលេខា​លើ​ខ្សែប្រយុទ្ធ​របស់​ក្លឹប Benfica គឺ​កីឡាករ Darwin Nunez បាន​ទេ។

Manchester United គឺ​ជា​ក្លឹបមួយ ក្នុង​ចំណោម​ក្លឹប​ធំៗ​ជា​ច្រើន នៅអឺរ៉ុប​ដែល​កំពុង​ព្យាយាម​ទិញ​ខ្សែប្រយុទ្ធ​សញ្ជាតិ​អ៊ុយរូហ្គាយ Darwin Nunez នៅ​រដូវក្តៅនេះ ខណៈ​ដែល​ខ្សែ​ប្រយុទ្ធ​រូប​នេះ កំពុង​ឡើង​ជើង​ខ្លាំង​ផង​ដែរ។

ដោយ​ឡែក​ខ្សែ​ប្រយុទ្ធ​សញ្ជាតិ​ប្រេស៊ីល Richarlison ក៏​បង្ហាញ​ទម្រង់​លេង​បាន​ល្អ​គួរ​ឲ្យ​ចាប់​អារម្មណ៍​ផង​ដែរ ដោយ​រូប​គេ​បាន​ស៊ុត​បញ្ចូល​ទី​បាន 6 គ្រាប់ និង​បញ្ជូន​បាល់​ឲ្យ​មិត្ត​រួម​ក្រុម​បាន 4 ដង ក្នុង​ការ​បង្ហាញ​ខ្លួន 23 ប្រកួត​នៅ​រដូវកាល​នេះ។

Richarlison គឺ​ជា​អតីត​ខ្សែ​ប្រយុទ្ធ​របស់​ក្លឹប Watford ដែល​ត្រូវ​បាន Everton នាំ​យក​មក កាល​ពី​ឆ្នាំ 2018។ ខ្សែប្រយុទ្ធ​រូប​នេះ នៅ​មាន​កុងត្រាជា​មួយ Everton រហូត​ដល់​ឆ្នាំ 2024 ខណៈ​ដែល​តម្លៃ​ផ្ទេរ​ចេញ​អាច​នឹង​មាន​តម្លៃ​ប្រហែលជាង 50 លានអ៊ឺរ៉ូ។

ប្រភព: Thesun