បាល់ទាត់អន្តរជាតិ
ក្លឹបធំៗ 2 នៅអង់គ្លេស កំពុងចាប់ចិត្តលើខ្សែប្រយុទ្ធស្លាប Daichi Kamada
ក្លឹបបិសាចក្រហម Manchester United និងតោខៀវ Chelsea ត្រូវបានគេរាយការណ៍ថា នឹងលូកដៃចូលក្នុងការប្រកួតប្រជែងដើម្បីចុះហត្ថលេខាលើកីឡាករសញ្ជាតិជប៉ុន Daichi Kamada របស់ Eintracht Frankfurt នៅចុងបញ្ចប់នៃរដូវកាលនេះ បើទោះបីជាមានការអះអាងថា Borussia Dortmund បានចរចាត្រូវរូវគ្នាជាមួយខ្សែប្រយុទ្ធរូបនេះហើយក៏ដោយ។
យ៉ាងណាមិញ កុងត្រារបស់កីឡាករវ័យ 26 ឆ្នាំ Daichi Kamada ជាមួយក្លឹប Frankfurt នឹងត្រូវផុតកំណត់នៅចុងខែមិថុនាឆ្នាំនេះហើយ ហើយគាត់នឹងចាកចេញពីក្លឹបក្នុងនាមជាកីឡាករដែលគ្មានតម្លៃខ្លួន។ ដោយឡែកក្លឹបបិសាចក្រហម Manchester United ត្រូវបានគេដឹងថា ធ្លាប់ទាក់ទងទៅកាន់ Frankfurt ម្ដងរួចមកហើយ កាលពីខែមករាកន្លងទៅ ដើម្បីពិភាក្សាពីលទ្ធភាពនៃការចុះហត្ថលេខាលើ Kamada ប៉ុន្តែនៅទីបំផុតបុរសសញ្ជាតិជប៉ុនរូបនេះ បានសម្រេចចិត្តបន្តជីវិតនៅទឹកដីអាឡឺម៉ង់បន្តទៀត។
កាលពីប៉ុន្មានសប្តាហ៍មុន មានរបាយការណ៍ផ្សេងៗអះអាងថា Borussia Dortmund នឹងជោគជ័យក្នុងការទទួលបាន Kamada នៅរដូវក្តៅខាងមុខនេះ។ ទោះបីជាយ៉ាងណាក៏ដោយ យោងតាមកាសែត Daily Mail ដែលចុះផ្សាយនៅថ្ងៃនេះ បានឲ្យដឹងថា Manchester United និង Chelsea កំពុងរៀបគម្រោងដើម្បីបញ្ចុះបញ្ចូលគាត់ឲ្យចាកចេញពីទឹកដីអាឡឺម៉ង់ ដើម្បីផ្ទេរទៅកាន់ក្របខ័ណ្ឌ Premier League។
ប្រភព: Sportsmole
Marcelo ប្រកាសចូលនិវត្តន៍ពីបាល់ទាត់ ក្នុងវ័យ ៣៦ឆ្នាំ
Mathys Tel បដិសេធ Man Utd និង Arsenal ទៅចូលរួមជាមួយ Spur
មានរបស់ល្អមិនចេះប្រើ Chelsea យល់ព្រមឱ្យ AC Milan ខ្ចីជើង Joao Felix!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
