បាល់ទាត់អន្តរជាតិ
ស៊ុតបញ្ចូលទីលើ Real Madrid យប់មិញ Chukwueze បង្កើតកំណត់ត្រាដ៏អស្ចារ្យមួយ
ខ្សែប្រយុទ្ធ Samuel Chukwueze គឺជាតួឯកនៃការប្រកួតដែលក្លឹប Villarreal បានផ្តួលក្រុមម្ចាស់ជើងឯក Real Madrid ក្នុងលទ្ធផល 3-2 ដែលជាការប្រកួតក្នុងក្របខណ្ឌ La Liga កាលពីរំលងអាធ្រាតយប់មិញនេះ។ ខ្សែប្រយុទ្ធសញ្ជាតិនីហ្សេរីយ៉ារូបនេះ បានស៊ុតគ្រាប់បាល់តាមស្មើ 1 គ្រាប់ និងគ្រាប់បាល់ចុងក្រោយដែលជាគ្រាប់ជ័យជម្នះ 1 គ្រាប់។
នៅក្នុងការប្រកួតនោះដែរ ត្រឹមតែ 16 នាទីប៉ុណ្ណោះ ក្រុមម្ចាស់ផ្ទះ Real Madrid មានគ្រាប់បាល់នាំមុខ Villarreal មុនមួយគ្រាប់ ដែលជាគ្រាប់បាល់ចូលទីខ្លួនឯងរបស់ខ្សែការពារ Pau Torres។ យ៉ាងណាតារាឆ្នើម Chukwueze បានស្តារភាពស្មើគ្នាឡើងវិញ ដោយស៊ុតបញ្ចូលទីមួយគ្រាប់នៅនាទីទី 39។
បន្តមកទៀត នៅនាទីទី 48 ខ្សែប្រយុទ្ធស្លាបសញ្ជាតិប្រេស៊ីល Vinicius Junior បានរកគ្រាប់បាល់នាំមុខជាថ្មីម្ដងទៀត។ ក្រុមម្ចាស់ផ្ទះមានគ្រាប់បាល់ 2-1 មិនយូរប៉ុន្មាន ក៏ត្រូវបាន Jose Morales ស៊ុតបានតាមស្មើជាថ្មីម្ដងទៀតឲ្យ Villarreal នៅនាទីទី 70។ គ្រប់យ៉ាងមិនបញ្ចប់ឡើយ Chukwueze បានរកគ្រាប់បាល់មួយគ្រាប់ចុងក្រោយសម្រាប់ Villarreal នៅនាទីទី 80 ដែលគ្រប់គ្រាន់ក្នុងការទទួលបាន 3 ពិន្ទុត្រឡប់ទៅផ្ទះវិញ។
ជាមួយនឹងការរកគ្រាប់បាល់ 2 គ្រាប់របស់ Samuel Chukwueze បានធ្វើឲ្យគាត់បង្កើតកំណត់ត្រាដ៏ល្អមួយ ដោយក្លាយជាកីឡាករ Villarreal ទី 2 ដែលស៊ុតបញ្ចូលទីនៅ La Liga ក្នុងដី Santiago Bernabeu ទៅលើក្លឹប Real Madrid បន្ទាប់ពីវីរបុរស Diego Forlan ដែលធ្លាប់ធ្វើរឿងនេះដូចគ្នាកាលខែឧសភាឆ្នាំ 2006។
ប្រភព: Dailypost
-
បាល់ទាត់អន្តរជាតិ1 day ago
Chelsea ត្រៀមបើកច្រកផ្លូវឲ្យកីឡាករដែលមានប្រាក់ខែខ្ពស់មួយរូបចាកចេញ នៅរដូវក្ដៅនេះ
-
បាល់ទាត់អន្តរជាតិ2 days ago
PSG ត្រៀមចាយលុយ 100 លានអឺរ៉ូ ដើម្បីចុះហត្ថលេខាលើខ្សែការពាររបស់ក្លឹប Benfica
-
បាល់ទាត់អន្តរជាតិ2 days ago
Man United និង Arsenal បរាជ័យក្នុងការចុះហត្ថលេខាលើខ្សែប្រយុទ្ធឆ្នើមមួយរូបរបស់ក្លឹប Inter Milan