បាល់ទាត់អន្តរជាតិ
លោក Ralf Rangnick គាំទ្រក្លឹបឲ្យចុះហត្ថលេខាលើខ្សែប្រយុទ្ធ Christopher Nkunku
យោងតាមរបាយការណ៍ចុះផ្សាយចុងក្រោយមួយបានឲ្យដឹងថា ក្លឹបបិសាចក្រហម Manchester United កំពុងចង់ចុះហត្ថលេខាលើតារាឆ្នើមរបស់ក្លឹប Red Bull Leipzig គឺកីឡាករ Christopher Nkunku នៅរដូវក្តៅនេះ ដោយមានអ្នកចាត់ការទូទៅលោក Ralf Rangnick ជាអ្នកគាំទ្រលើរឿងនៃផងដែរ។
ក្លឹបបិសាចក្រហម Manchester United មានបញ្ហាជាមួយនឹងតំបន់ប្រយុទ្ធនៅរដូវកាលនេះ បូករួមជាមួយនឹងវ័យកាន់តែចាស់របស់កីឡាករឆ្នើម Cristiano Ronaldo។ លើសពីនេះទៅទៀត Jadon Sancho និង Marcus Rashford មិនអាចលេងបានស៊ីចង្វាក់គ្នាឡើយ ដែលជាហេតុផលត្រូវបង្ខំឲ្យបិសាចក្រហម សម្លឹងមើលដំណោះស្រាយនៅរដូវកាលដោះដូរកីឡាករឈានមកដល់។
ក្នុងចំណោមខ្សែប្រយុទ្ធជាច្រើនដែលបិសាចក្រហមចាប់អារម្មណ៍នោះ មានខ្សែប្រយុទ្ធសញ្ជាតិបារាំង Christopher Nkunku។ កីឡាករពាក់លេខ 18 របស់ RB Leipzig រូបនេះស៊ុតបញ្ចូលទីបាន 30 គ្រាប់ និងបញ្ជូនបាល់ឲ្យមិត្តរួមក្រុមបាន 19 ដង ក្នុង 44 ប្រកួតដែលគាត់បានលេង នៅរដូវកាលនេះ។
មានមជ្ឈដ្ឋានជាច្រើនបានអះអាងថា មិនមែនតែក្លឹបបិសាចក្រហមមួយប៉ុណ្ណោះទេ ដែលចង់បាន Nkunku សូម្បីតែក្លឹបធំៗនៅតំបន់អឺរ៉ុប ក៏បានចាប់អារម្មណ៍ក្នុងការចុះហត្ថលេខាលើគាត់ដែរ។ ហេតុផលទាំងនេះហើយទើប RB Leipzig បានដាក់តម្លៃផ្ទេរកីឡាកររូបនេះ 65 លានអឺរ៉ូ សម្រាប់ក្លឹបណាដែលចង់បានគាត់។
ប្រភព: Si.com
-
បាល់ទាត់អន្តរជាតិ3 days ago
តោខៀវ Chelsea នឹងត្រូវបង្ខំចិត្តលក់ខ្សែបម្រើឆ្នើមមួយរូបនៅរដូវក្ដៅនេះ!!!
-
បាល់ទាត់អន្តរជាតិ3 days ago
Unai Emery ត្រៀមនាំយកអតីតកូនក្រុមមួយរូបរបស់ខ្លួនទៅកាន់ Aston Villa
-
បាល់ទាត់អន្តរជាតិ2 days ago
PSG ត្រៀមចាយលុយ 100 លានអឺរ៉ូ ដើម្បីចុះហត្ថលេខាលើខ្សែការពាររបស់ក្លឹប Benfica