បាល់ទាត់អន្តរជាតិ
Barcelona ត្រៀមឲ្យ Sergino Dest ខ្ចីជើងទៅ Union Berlin នៅរដូវកាលក្រោយ
ខ្សែការពារ Sergino Dest របស់ក្លឹប Barcelona ត្រូវបានគេរាយការណ៍មកថា ជិតនឹងយល់ព្រមលើការផ្ទេរ ក្នុងលក្ខខណ្ឌខ្ចីជើងទៅចូលរួមជាមួយក្លឹប Union Berlin ដែលស្ថិតនៅ Bundesliga ហើយ។ យ៉ាងណាមិញ ក្រោយពីត្រឡប់មកពីខ្ចីជើងនៅ AC Milan រដូវកាលនេះ ខ្សែការពារសញ្ជាតិអាមេរិច Sergino Dest បន្តការខ្ចីជើងបន្តទៀតនៅរដូវកាលក្រោយ ដោយ Barcelona មិនត្រូវការប្រើប្រាស់គាត់ឡើយ។
ក្លឹបយក្សនៅអ៊ីតាលី AC Milan មានលក្ខខណ្ឌក្នុងការទិញផ្ដាច់កុងត្រារបស់កីឡាករវ័យ 22 ឆ្នាំរូបនេះដែរ ប៉ុន្តែផ្អែកតាមទម្រង់លេងមិនសូវល្អ ពួកគេនឹងឲ្យគាត់ត្រឡប់មក Barcelona វិញនៅរដូវក្ដៅខាងមុខ។ Sergino Dest បានបង្ហាញខ្លួនត្រឹមតែ 8 ប្រកួតប៉ុណ្ណោះក្នុងក្របខណ្ឌ Serie A រដូវកាលនេះ។
យោងតាមរបាយការណ៍ចុងក្រោយមួយពី Mundo Deportivo បានឲ្យដឹងថា ខ្សែការពារស្ដាំ Sergino Dest កំពុងត្រៀមខ្លួនសម្រាប់ការប្រកួតប្រជែងថ្មីនៅទឹកដីនៃប្រទេសអាឡឺម៉ង់ ដោយការខ្ចីជើងរយៈពេល 1 រដូវកាលទៅ Union Berlin។ របាយការណ៍ដដែលនេះដែរបានអះអាងថា Sergino Dest ហាក់ដូចជាបានយល់ព្រមរួចហើយ ដោយរងចាំមើលពេលចប់រដូវកាលថា តើក្លឹបអាឡឺម៉ង់មួយនេះអាចមានកៅអីលេង UEFA Champions League រឺអត់ប៉ុណ្ណោះ ខណៈដែលបច្ចុប្បន្នពួកគេកំពុងឈរក្នុងចំណាត់ថ្នាក់លេខ 3 នៅ Bundesliga។
ប្រភព: Barcablaugranes
-
បាល់ទាត់អន្តរជាតិ2 days ago
Chelsea ត្រៀមបើកច្រកផ្លូវឲ្យកីឡាករដែលមានប្រាក់ខែខ្ពស់មួយរូបចាកចេញ នៅរដូវក្ដៅនេះ
-
បាល់ទាត់អន្តរជាតិ3 days ago
PSG ត្រៀមចាយលុយ 100 លានអឺរ៉ូ ដើម្បីចុះហត្ថលេខាលើខ្សែការពាររបស់ក្លឹប Benfica
-
បាល់ទាត់អន្តរជាតិ3 days ago
Man United និង Arsenal បរាជ័យក្នុងការចុះហត្ថលេខាលើខ្សែប្រយុទ្ធឆ្នើមមួយរូបរបស់ក្លឹប Inter Milan