បាល់ទាត់អន្តរជាតិ

Paredes ស៊ុតមួយគ្រាប់ទៅលើឥណ្ឌូណេស៊ី បំបែកកំណត់ត្រាមួយរបស់ Messi

Published

11 months ago

June 20, 2023

Lee Lee

ខ្សែបម្រើកណ្ដាលរបស់ក្រុមជម្រើសជាតិអាហ្សង់ទីន Leandro Paredes បានបំបែកកំណត់ត្រាដ៏ប្លែកមួយរបស់កាពីតែនក្រុម Lionel Messi បន្ទាប់ពីគាត់បានស៊ុតបញ្ចូលទីមួយគ្រាប់ ក្នុងការប្រកួតមិត្តភាពអន្តរជាតិកាលពីម្សិលមិញនេះ ដោយឈ្នះ 2-0 ទៅលើម្ចាស់ផ្ទះឥណ្ឌូណេស៊ី។

ក្នុងអំឡុងពេលប្រកួតគ្នានៅកីឡដ្ឋាន Gelora Bung Karno ខ្សែបម្រើ Leandro Paredes បានស៊ុតបាល់ពីចម្ងាយ ដ៏អស្ចារ្យមួយនៅនាទីទី 38 មុនពេលដែល Cristian Romero រកបានថែមមួយគ្រាប់ទៀតនៅនាទីទី 55។ គ្រាប់បាល់របស់គាត់ គឺពីចម្ងាយ 31.4 ម៉ែត្រ ដែលធ្វើឲ្យគាត់ក្លាយជាកីឡាករដែលបានស៊ុតបញ្ចូលទីពីចម្ងាយឆ្ងាយបំផុត ក្រោមការដឹកនាំរបស់គ្រូបង្វឹកអាហ្សង់ទីន Lionel Scaloni។

កាលពីមុន Messi ធ្លាប់បានកាន់កាប់កំណត់ត្រាជាកីឡាករស៊ុតបញ្ចូលទីឆ្ងាយបំផុត ក្រោមការដឹកនាំរបស់លោក Lionel Scaloni នេះដូចគ្នា ដោយស៊ុតពីចម្ងាយ 28.9 ម៉ែត្រទល់នឹងក្រុមជម្រើសជាតិអ៊ុយរូហ្គាយ (នេះបើយោងតាម Mundo Albicelest)។ ប៉ុន្តែពេលនេះ កំណត់ត្រារបស់ Messi ត្រូវបានផ្ទេរទៅឲ្យ Leandro Paredes បណ្ដោះអាសន្ន ហើយក៏ប្រហែលជាកំណត់ត្រាមួយដែលពិបាកបំបែកបានផងដែរ។