Carlo Ancelotti គំរាម​ថា នឹង​ចាកចេញ​ពី Real Madrid ប្រសិន​បើ​ប្រធាន​ក្លឹប​មិន​ព្រម​ផ្ទេរ​កីឡាករ​ពីរ​រូប​នេះ​ទេ

គ្រូ​បង្វឹក​របស់​ក្លឹប Real Madrid លោក Carlo Ancelotti បាន​គំរាម​ចង់​ចាកចេញ​ពី Santiago Bernabeu ប្រសិន​បើ​ប្រធាន​ក្លឹប​លោក Florentino Perez បដិសេធ​មិន​ព្រម​ចុះ​ហត្ថលេខា​លើ​កីឡាករ​ឆ្នើម​ពីរ​រូប​គឺ Reece James របស់ Chelsea និង Victor Osimhen របស់ Napoli នៅ​រដូវ​ក្តៅ​នេះ​ទេ (យោង​តាម​របាយការណ៍​របស់ El Nacional)។

ដោយ​ឡែក​ទាំង Reece James និង Victor Osimhen ត្រូវ​បាន​គេ​រំពឹង​ថា អាច​នឹង​ចំណាយ​ប្រាក់​សរុប​រហូត 200 លាន​អឺរ៉ូ​ឯណោះ។ ទន្ទឹម​នឹង​នេះ​ដែរ Florentino Perez គឺ​ជា​មនុស្ស​ម្នាក់​ដែល​មាន​ការ​គិត​គូ​ល្អិត​ល្អ​ន់​បំផុត ហើយ​កម្រ​នឹង​ចាយ​លុយ​តាម​ការ​នឹកឃើញ​ណាស់។ ដូចគ្នា​នេះ​ដែរ អនាគត​របស់​លោក Carlo Ancelotti នៅ Real Madrid កាន់​តែ​មាន​ភាព​ស្រពិច​ស្រពិល ស្រប​ពេល​ដែល​មាន​ពាក្យ​ចចាម​អារ៉ាម​ផង​ដែរ​ថា គាត់​ចង់​ទៅ​ធ្វើ​ជា​គ្រូ​បង្វឹក​របស់​ក្រុម​ជម្រើស​ជាតិ​ប្រេស៊ីល។

ថ្មីៗ​នេះ Real Madrid បាន​ចុះ​ហត្ថលេខា​លើ​កីឡាករ​ដូចជា Joselu Mato, Brahim Diaz, Fran Garcia, និង Jude Bellingham រួច​ហើយ ប៉ុន្តែ Ancelotti មិន​ពេញ​ចិត្ត​គ្រប់គ្រាន់​ទេ ខណៈ​ដែល​គាត់​បាន​ស្នើ​សុំ​បន្ថែម​ពីរ​នាក់​ទៀត​គឺ Reece James និង Victor Osimhen ដើម្បី​ធ្វើ​ឲ្យ​ក្រុម​អាច​ប្រកួត​ប្រជែង​ខ្លាំង​សម្រាប់​រដូវកាល​ក្រោយ។ របាយការណ៍​មួយ​បាន​អះអាង​ថា Ancelotti ហាក់​ដូច​ជា​លែង​មាន​ទំនុក​ចិត្ត​លើ Dani Carvajal ហើយ និង​ចង់​យក Reece James មក​ជំនួស​កន្លែង​របស់​កីឡាករ​ចាស់​វស្សា​រូប​នេះ។

ប្រភព: Dailypost NG