បាល់ទាត់អន្តរជាតិ
ផ្លូវការណ៍៖ Arsenal ប្រកាសពីការផ្ទេរ Kai Havertz ជាមួយកុងត្រារយៈពេល 5 ឆ្នាំ
កាលពីរំលងអាធ្រាតយប់មិញនេះ ក្លឹបកាំភ្លើងធំ Arsenal បានប្រកាសបញ្ជាក់ជាផ្លូវការណ៍ពីការចុះហត្ថលេខាលើខ្សែប្រយុទ្ធអាឡឺម៉ង់ Kai Havertz ដោយផ្ទេរពីតោខៀវ Chelsea ក្នុងកុងត្រារយៈពេល 5 ឆ្នាំ។ កីឡាករវ័យ 24 ឆ្នាំរូបនេះ នឹងក្លាយជាកីឡាករចំណូលថ្មីដំបូងរបស់កាំភ្លើងធំនៅរដូវក្ដៅនេះ ជាមួយកិច្ចព្រមព្រៀងផ្ទេរ 65 លានផោន។
ទន្ទឹមនឹងនេះដែរ Kai Havertz នឹងពាក់អាវលេខ 29 នៅក្លឹបថ្មីរបស់ខ្លួន ដូចពេលដែលគាត់នៅ Chelsea ដែរ។ ក្រោយការប្រកាសពី Arsenal ខ្សែបម្រើប្រយុទ្ធសញ្ជាតិអាឡឺម៉ង់រូបនេះបាននិយាយថា៖ “ពិតជារំភើបណាស់សម្រាប់ខ្ញុំ ក្នុងការចូលរួមជាមួយក្លឹបដ៏អស្ចារ្យមួយនេះ និងបានក្លាយជាផ្នែកមួយនៃគ្រួសារ Arsenal”។
បន្ទាប់ពីការចុះហត្ថលេខារបស់ Havertz ឥឡូវនេះ Arsenal ត្រូវបានកំណត់ជាអាទិភាពក្នុងការផ្ទេរ Declan Rice របស់ West Ham United ហើយត្រូវបានគេជឿថា ពួកគេនឹងឈានដល់ការដេញថ្លៃ 105 លានផោន និងអាចទទួលបានជោគជ័យលើ Man City ដែលចង់បានខ្សែបម្រើកណ្ដាលរូបនេះដូចគ្នា។
ប្រភព: Sportsmole
ទីបំផុត Bologna ទទួលបានពានរង្វាន់ធំជាលើកដំបូង ក្រោយពីរង់ចាំអស់ ៥១ឆ្នាំ
Ronaldo Jr បង្ហាញខ្លួនជាលើកដំបូងឱ្យក្រុមជម្រើសជាតិ ព័រទុយហ្គាល់
ស្វែងយល់ខ្លះៗអំពី Arkadag មុននឹងជួប ព្រះខ័នរាជស្វាយរៀងយប់នេះ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
